banner 728x90

UNTL Inagura Edifísiu Fakuldade Medisina, FCS Protesta.

Edifísiu Foun Fakuldade Medisina no Siénsia Saúde ne’ebé konstrui ho valór osan $678, 752,97, husi kompañia LINIER UNIP. LDA. No JV ALGIS group of Company, hahu husi tinan 2019.
banner 120x600

G-RTV.Com (DILI) : Universidade Nasionál Timor Lorosa’e (UNTL) hala’o inagurasaun ba edifísiu foun fakuldade Siénsia Saúde no Medisina iha area Fakuldade Siénsia Sosiáis (FCS-Sigla Portugês), Tersa ne’e.

Iha serimónia inagurasaun, hetan protestu husi estrutura fakuldade no estudante Fakuldade FCS tambá konsidera hamosu diskriminasaun iha utilijasaun fatin konstrui edifísiu no sala ba aula nian.

banner 325x300

Prossesu inísiu ami protesta, tambá sente diskriminadu, maibé tambá estrutura UNTL tuan ne’ebé temina iha fulan hirak liu bá, fo hanoin katak tambá de’it impedimentu  osan ne’ebé aloka ba planu konstrusaun  fila ba kofre estadu, nune’e sira solusiona ho planu ida katak kontinua obra ne’e, ba futuru mak ita kordena malu ba utilizasaun nian’ hateten vise-dekanu assuntu Administrasaun no Finansas FCS-UNTL, Júlio Aparísiu iha edifísiu FCS, Kaikoli, Munsípiu Dili.

Antes ne’e, Estrutura FCS dirije ona karta bá estrutura universidade atu bele solusiona ba utilijasaun edifísiu foun, maibé la iha karta resposta to’o realija programa inagurasaun.

‘’Iha fulan kotuk antes entrega ba universidade ami  FCS dirije karta ida ba Reitór atuál atu oinsa bele hetan sala balu husi edifísiu ne’e, maibé to’o agora la iha resposta ruma ba FCS, derrepente ami rona katak Tersa feira ohin, inagura no entrega ba fakuldade Medisina no Siénsia Saúde’’. Haktuir Nia.

FCS konsidera parte reitoria hamosu diskriminasaun tambá la konsidera FCS nia preokupasaun, ho razaun edifísiu ne’e iha area territóriu FCS nian.

‘’Desijaun ne’ebé foti hanesan diskriminasaun ida, tambá la konsidera ami nu’udár uma na’in ho razaun area edifísiu ne’e iha territóriu FCS’’. Esklarese vise ne’e.

Konabá legalidade  utilijasaun fatin ba fakuldade seluk, munisípiu Baucau-oan ne’e afirma la iha despaixu ida husi estrutura Reitoria hodi legalija katak edifísiu ho medida por volta 25×10 ho sala hamutuk 18 ne’e, utilija de’it ba fakuldade Medisina.

Durante ne’e la iha statutu ka despaixu ida katak fatin ne’e ba fakuldade Medisina nian, durante ne’e ami foo de’it, no antes edifísiu ne’e konstrui, medisina rasik uja ami nia sala balu ba prossesu aprendajázem’’. Esklarese fontes ne’e.

Vise-dekanu ne’e, konfesa moos, FCS rasik difikuldade iha sala ba aula nian, no infrastutura fízika ba edifísiu FCS kualidade hahu tun.

‘’FCS rasik iha difikuldade sala ba apredijázem, no edifisiu ne’ebé antes ne’e, hahu husi Universidade Timor Timur (UNTIM) utilija to’o agora, infrastutura edifísiu  komesa at, nune’e FCS husu atu halo manajemnetu ho dalan legál hodi difini atu utilija hamutuk permanente ba edifísiu foun ne’e ’’. esplika vise-dekanu ne’e.

La iha solusaun, dosente ne’e sei organiza hamutuk estrutura fakuldade hodi taka portaun ba estudante medisina atu labele utilija edifísiu refere.

‘’Kuandu la iha solusaun, ami hotu sei la uja, sei taka portaun ba estudante  hotu, tambá area ne’e tama iha asaun FCS nian’’. Espressa dosente ne’e.

Hatan ba preokupasaun ne’e, Reitór UNTL ho simplesmente ba G-RTV.com katak, sei solusiona liu husi dalan diálogu atu bele rezolve problema ne’e.

Fakuldade FCS sente katak sira moos bele utilija, maibé antes ha’u seidauk assume kargu hanesan Reitór, edifísiu ne’e dedikadu ba fakuldade medisina, maibé asaun protestu ne’e, ami sei hala’o diálogu ba malu hodi rezolve’’. Hatan Prof. Dr. João Martins bainhira remata serimónia inagurasain iha area edifisiu foun.

Konabá atu utilija edifísiu no sala ba aula nian, Eis-Xefe departamentu saúde partidu Demokrátiku ne’e, afirma, prossesu ne’e kompeténsia dekanu husi fakuldade Medisina no Siénsia Sosiáis.

’Atu sala ne’e fahe ba fakuldade rua, ne’e dekanu ho dekanu mak koalia ba malu, tambá atu utilija fatin tenke husu lisensa ba malu maske iha instituisaun ida’’. Haktenik ema númeru ida iha instituisaun UNTL.

Bainhira remata serimónia inagurasaun ne’ebé hala’o ohin (06/07), estudante husi fakuldade Siénsia Sosiais, lidera husi Senadu atuál dada panflitu no hakerek ‘’AMI ESTUDANTE FAKULDADE SIÉNSIA SOSIAIS IHA DIREITU BA EDIFÍSIU FOUN, NE’EBÉ LOKALIZA IHA AREADOR SIÉNSIA SOSIAIS. FAKULDADE SIÉNSIA SOSIAIS PRESIJA SALA BA AULA’’.

Observasaun iha terrenu nota, inagurasaun refere, marka prezensa husi atuál Ministru Ensinu Superior, Siénsia no Kultura (MSSK), Estrutura Universidade, estudante husi fakuldade Medisina no konvidadu sira.

Jornalista : Arménio.

banner 325x300

relavante