banner 728x90

Vaupo La Iha Liña Telekomunikasaun, Difikulta Komunikasaun Iha Períodu Eleisaun

Xefe Suku Judito Dos Santos // Foto : Ekipa G-RTV.com
banner 120x600

Jornalísta : Arménio //

G-RTV.com (Likisa) : Relasiona ho realizasaun eleisaun prezidensiál 2022, ne’ebé sei realiza iha loron 19 fulan ida ne’e, Sentru votasaun Vaupo, suku Watuboro, postu administrativu Maubara, munisípiu Likisa,  infrenta, la iha liña telekomunikasaun no eletrisidade atu halo komunikasaun iha períodu eleisaun.

banner 325x300

‘’Vatuboro iha problema ida mak iha sentru votasaun aldeia Vaupo, tambá liña eletrisidade no rede telekomunikasaun, ne’ebé sei difikulta komunikasaun entre brigada no nasionál’’, Dehan Xefe Suku Vatuboro, Judito Dos Santos, iha nia rezidénsia, suku Vatuboro, Sexta-Feira ne’e, 18/03/2022.

Maske nune’e, autoriedade lokál ne’e salienta, garante atu populasaun sira partisípa máximu eleisaun prezidensiál tinan ne’e.

‘’Ha’u garante, populasaun sira hotu-hotu sei partisipa máximu iha sentru votasaun atu vota ba kandidatu prezidente na’in 16’’,  Salienta Autoriedade lokál ne’e.

Konabá seguransa, fontes ne’e esplika, suku refere iha kontrolu máximu tambá servisu hamutuk entre CNE, STAE inklui PNTL.

‘’Ba Eleisaun iha suku ne’e, ami kontrola máximu, hamutuk ho CNE no STAE inklui PNTL, nune’e bele kria kondisaun atu populasaun partisipa ho di’ák festa demokrasia ida ne’e’’, esplika Nia.

Nia mós konfirma katak, suku ida ne’e, durante períodu kampaña no eleisaun tinan hirak ba kotuk la iha problema, maske iha sidadaun barak partisipa iha atividade partidaria ne’ebé diferente.

Tuir dados Sensus Populasaun 2015, Suku Vatuboro iha populasaun hamutuk 2791 ho nia area luan 48,36 Km, no aldeia hamutuk 5 mak hanesan Cai-Bair, Raegleu, Sabulau, Tatamolobu, Vaupu. (REMATA).

 

 

banner 325x300

relavante