banner 728x90

Vizita Heineken, Horta Konsidera Guvernu La Fó Protesaun

Foto : Media PR
banner 120x600
1 Views

Jornalísta : Arménio //

G-RTV.com (Dili) : Prezidente Repúblika (PR) José Ramos-Horta, hala’o primeira vizita ba kompañia Heineken hodi hare besik progessu servisu ne’ebé investimentu bo’ot ne’e hala’o.

banner 325x300

‘’Ha’u mai hare investimentu ne’e, fábrika ida ne’ebé kria empregu bá Timor-oan maibé guvernu ladun fó protesaun bá ida ne’e, tambá husik nafatin produtu serveza alkholok ne’ebé balun perigozu tebes bá jóvem sira, lubuk ida tama ilegalmente,’’ Dehan PR Horta hafoin vizita fatin produsaun Kompañia Heneken iha Hera, ohin, Kinta-Feira, 23/06/2022.

‘’Ha’u preokupadu serveza ne’ebe alko ás tebes no balun la selu impostu. Iha rai balun alku ás selu impostu ás, maibé Timor kontráriu fali, ’’ Hatutan Prezidente ne’e.

Nia moos husu atu guvernu proteze investimentu ne’ebé kria empregu bá Timor-oan kuaze 500 resin inklui investimentu sira seluk tambá produtu sira ne’ebé importa mai de’it husi rai-liur ladun fó benefísiu empregu bá timor-oan sira.

Tuir Observasaun G-RTV.com iha terrenu, Kompañia refere fó ona empregu barak bá Timor-oan no iha vizita ne’e sira aprezenta mos bá Xefe estadu konabá progessu sira ne’ebé durante ne’e sira hasoru inklui merkadu ne’ebé kontinua sai problema bá sira.

Iha fatin refere, atividade vizita ne’e, PR Horta la’o haleu fatin produsaun no termina ho kuda ai-oan nu’udár lembransa bá vizita ema númeru ida iha Timor ne’e.

(REMATA)

relavante