banner 728x90

Vizita Lagoa Tasi-Tolu, MS Husu Tau Prioridade Ba Inan-Isin Rua No Labarik Sira.

Ministra dra. Odete Belo iha Lagoa Tasi-Tolu // Foto : Amar.
banner 120x600
44 Views

G-RTV News (11/04/2021): Ministra Saúde Timor Leste, hala’o vizita ba Komunidade ne’ebé afetadu inundasaun iha Lagoa Tasi-Tolu, Suku Komoro, Munisípiu Dili, Sexta Feira ne’e.

‘’La’ós fasil ba imi hasoru situasaun ne’e, nune’e, ami nia prezensa iha ne’e atu identifika fatin afetadu sira, atu halo kolokasaun ba assisténsia saúde iha fatin ne’e’’ haktuir Ministra Saúde dra. Odete Maria Freitas Belo iha Lagoa ida, Tasi-Tolu.

banner 325x300

Guvernante ne’e fo mós mensájem ba família afetadu sira katak, Ba Inan-Isin rua no labarik tinan lima mai kraik, tenke tau prioridade ba sira.

‘’Ba Inan-isin rua sira no labarik tinan lima mai kraik, husu ba Inana-Aman no mane sira atu tau prioridade liu-liu ba hahan’’. Mensájem husi Guvernante ne’e.

Iha fatin hanesan komadante Ekipa Bombeirus Iha Lagoa Tasi-Tolu, Paulo Maia, hateten katak Bombeirus nia kbi’it ki’ik liu atu ajuda komunidade konabá bee.

‘’Bombeiros nia kbi’it ki’ik liu, liu-liu atende bee mós ninian, nune’e junta ona ho F-FDTL no PNTL, atu identifika hodi fo assisténsia alimentasaun ba imi, inklui bee, tamba hanoin ona katak sei dada kanu husi fatin konsentrasaun ekipa nian ba ita bo’ot sira vítima ni’an’’. Espresa Nia.

Tuir Xefe Bairro Lagoa Um, Adão Babo, hateten katak husu parte guvernu atu taumatan espesiál ba lagoa Um tamba fatin atu assesu ba rai maran la iha ona.

‘’Husu ba Guvernu, atu tau matan espesiál ba Ami lagoa Um, tamba fatin ba ami atu hetan rai maran la iha Ona’’. Fontes ne’e deklara.

Hafoin akontesimentu inundasaun iha loron 04 Fulan ida ne’e,  Família uma-kain liu rihun atus ida obrigatóriamente tenke ba refuzia iha fatin seguru no rezultadu husi inundasaun refere, hamate sidadaun na’in 42, estragus mós ba Sasan uma-laran no uma komunidade nian.

Jornalista : Amar Belo.

Editór : Arménio.

‘’Família Bo’ot Kompanhia GARDAMOR hato’o solidariedade ba Família afetadu Inundasaun iha Territóriu Nasionál , liu-liu iha Kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

relavante