banner 728x250

Vizita Uaimori, pro-nunsíu apostóliku apresia FAADB

Foto Hamutuk entre Pro-nunsiu apostóliku, Pe. Evaristu, Pe. Locatelli, ho autoriedade munisipál vikeke no FAADB hafoin remata Missa // Foto : Ekipa G-RTV.com
banner 120x600

G-RTV.com (Vikeke) : Pro-Nunsiu Apostóliku nu’udár reprezenta Amu PAPA Francisco I Iha Timor Leste, Dominggo foin lalais ne’e, vizita Suku Uaimori hodi hare konstrusaun Kapela ne’ebé konstroi husi Federasaun Antigus Alunus Dom Bosco (FAADB) iha Timor ho kolaborasaun komunidade nian.

’Ksolok bo’ot ida ba ha’u reprezenta Amu Papa Francisco I mai vizita imi, oportunidade ne’e hato’o moos parabéns no apresia ba esforsu ho fuan no laran husi FAADB ne’ebé hakarak harii Kapela furak ida ne’e iha Uaimori’’ hateten iha omília, Pro-Nunsiu Apóstóliku, Monseñor (Mons.) Marco Sprizzi bainhira selebra missa iha Uaimori, postu AdministrativuVikeke-Villa, munisípiu Vikeke (08/08).

banner 325x300

Reprezentante Santa Sé, ne’e, afirma tan, nia moos hola parte iha assosiasaun antigu alunu salesianu nune’e, obra sira hanesan ne’e Monseñor kontente.

‘’Ha’u nia Aman hanesan moos eis-prezidente Antigu Alunus Itália, hamutuk ho família,ami hotu membru ba prezidénsia antigu alunu ne’e, nune’e ha’u sente haksolok tebes ho obra husi Antigu alunu sira’’. Afirma Nia.

Iha ómilia, Monseñor ne’e esplika liu tan, konstrusaun Igreja ne’e importante ba sarani sira tamba bele halibur sarani sira hodi reza hamutuk no selebra eukaristia.

‘’Konstrusaun Igreja ne’e importante, atu komunidade sira bele halibur malu, reza hamutuk, missa, simu Jejus iha eukaristia, selebra ita nia fiar nune’e kontrusaun ne’e importante ba ita sarani sira’’. Esplika Monseñor.

Igreja ne’ebé konstrui husi FAADB hamutuk ho sarani Uaimori // Foto : Ekipa G-RTV.com

Antes remata missa eukaristia, Xefe Suku Uaimori ne’ebé reprezenta povu no sarani, hodi agradese ba prezensa husi reprezentante Amu Papa ne’e.

‘’Hanesan Xefe Suku no sarani ida bá rai ida ne’e, kontente no agradese tebes ba prezensa husi Pro-Nunsíu Apostóliku iha Timor ne’ebé hakat to’o ami nia area rural, agradese moos bá esforsu padre Locatelli,SDB ne’ebé halibur antigu alunu hamutuk ho pároku Vikeke nia kolaborasaun hodi harii igreja iha suku Uaimori’’. Espressa Xefe Suku Franscelino António Gomes

Entertantu iha selebrasaun missa eukaristia ne’e, prezide husi Monseñor Marco, konselebrante mak Padre Pároku Parókia Vikeke no  Pe. Locatelli, SDB.

Selebrasaun santa missa hala’o iha igreja ne’ebé  konstui husi FAADB, no tuir informasaun ne’ebé G-RTV.com assesu, igreja ne’e kontrusaun foin atinji %80, no kontribuisaun maxima mai husi FAADB, ho kolaborasaun husi komunidade Uaimori no parókia Vikeke.

Tuir planu, Igreja ne’ebé sei hanaran Saun Calisto Carvário, SDB sei inagura iha tinan 2022 bainhira konstrusaun remata iha tinan ne’e.

Jornalista : Arménio.

Editór : Ekipa G-RTV.com

 

 

banner 325x300

relavante