banner 728x250

‘’woooow’’ MTKI autoriza loke ”bola-guling”, MEJD taka eskola

Populasau inklui estudante sira partipa iha feira ne’ebé domina ho jogu bola-guling iha kampo futeból, suku Komoro, Munisípiu Dili ne’ebé loke husi MTKI. Dr. Lucas no inspetór jogu iha loron 17 fulan Agustu Tinan 2021.
banner 120x600

G-RTV.com (Dili) : Ministériu Komérsiu no Industria (MTKI) autoriza atividade jogu bola-guling iha feira ne’ebé hala’o husi komunidade suku Komoro.

Feira ne’e hala’o iha âmbitu  komemorasaun tinan 46 liman kroat FALINTIL (20/08)  no tinan 22 konsulta popular  (30/08).

banner 325x300

‘’feira ne’e ho objetivu atu komemora loron FALINTIL no konsulta popular tinan 1999, ho nia durasaun bá feira ne’e loron 15 ne’ebé hahu iha loron 17 fulan Agustu to’o loron 1 fulan setembru tinan ne’e, tuir lisensa ne’ebé foo husi MTKI ’’. hateten prezidente komisaun, Alex da Silva iha Feira, suku Komoro.

Prezidente komissaun ba Feira nian, Alex da Costa // foto : Zinho

Bá G-RTV.com, prezidente komisaun ne’e esplika liu tan, ho feira ida ne’e bele kore-an husi Covid-19 no hatama reseita bá estadu.

‘’durante situasaun pandemia COVID-19, halo ema trauma, menus divertimentu, nune’e ami loke feira ida ne’e, atu kore-an husi Covid-19 no hatama reseitas bá estadu ho totál osan $15 mill dollar’’. Tenik Alex.

Tuir observasaun direta husi G-RTV.com iha terrenu, partisipante kuaze %40 mai husi studante husi nível ensinu báziku to’o ensinu superior ne’ebé partisipa iha eventu feira ne’e, hahu husi tuku 5 loraik to’o remata iha tuku 12 kalan.

Fatin bá feira refere, nakonu ho rai-rahun ne’ebé bele fo inpaktu bá saúde públiku no durante feira,%90  promove de’it mak jogu bola-guling ho tenda hamutuk 12.

Iha loron ne’ebé hanesan, liu husi despaisu númeru 42/G-MEJD/VIII/2021 husi Ministériu Edukasaun, Juventude no Desportu (MEJD), esplika katak sei suspende (taka) atividade aula prezensiál husi nível ensinu pre-primária to’o nível ensinu sekundária iha munisípiu Dili.

Suspensaun provizóriu ne’e ho durasaun hahu husi loron 17 to’o 31 fulan ida ne’e, ho razaun tambá númeru kazu Covid-19, kontinua ás iha territóriu munisípiu Dili.

Haktuir iha despaisu ne’e, direjente ministériu MEJD hahu husi sentrál to’o iha nível baze hamutuk ho inan-aman, atu kolabora hodi garante estudante sira partisipa ativu iha eskola husi uma durante períodu suspensaun.

Jornalista : Arménio.
Editór : Ekipa G-RTV.

 

banner 325x300

relavante