banner 728x90

Xanana Aprende Tátika Funu Hahu Husi Semináriu.

Foto : Ekipa G-RTV
banner 120x600
25 Views

G-RTV.Com : Iha âmbitu komemorasaun loron Aniversáriu Natalísiu líder karrismátiku Kay Rala Xanana Gusmão ba dala-75, Eis-seminarista Manuel Tilman foo sasin konabá Xanana iha eskola Semináriu Menor Nossa Senhora de Fátima Dare.

’Ha’u hamutuk ho Xanana kuaze tinan 7 iha Semináriu Dare, hahu 1971-1977, nia to’o 5֯ Ano  mak sai’’ hateten Eis-Seminarista Manuel Tilman Iha Hera, Munisípiu Dili, foin lalais ne’e.

banner 325x300

Atuál Jurista ne’e, konsidera personalidade líder nasionál Xanana Gusmão hanesan ema divertidu, iha jestu hanesan treinadór, ema kuriózu no atensioju.

’Nia Ema ida ne’ebé divertidu, nunka triste, ema treinadór ba futeból no jogu seluk ho nia tátika rasik, maibé ema kurrióju ida, espiritu atensióju ba ema hotu hanesan agora ne’e’’. Haktuir Manuel Tilman.

Disponibiladede Xanana atu apoiu ema hotu, hatudu ona iha semináriu bainhira nia involve iha seksaun sira.

’Iha semináriu, nia sempre disponível atu apoiu parte hotu, Sai sakristia, akólitu, jardinéir, nune’e aplika to’o ohin loron’’. Eis-Kandidatu Prezidente Manuel Tilman, esplika.

Tilman moos esplika liu tan katak, tátika funu ne’ebé aplika iha tempu funu Xanan Aprende iha semináriu.

‘’Momentu ne’ebá nia tur iha ha’u nia kotuk, dalaruma ha’u hateke ba kotuk, nia la estuda buat ida, nia dezeña de’it mak oinsá halo tátika iha jogu, hanesan ezersísiu ida ne’ebé nia halo iha semináriu, no ikus mai lori tátika ne’e, hanorin nia iha tempu funu hodi finta indonézia sira’’ sasin Advogadu Tilman.

Iha Fatin Hanesan, Eis-Seminarista ne’ebé halibur-an iha Grupu ETERNAL FRIENDS deseja vida naruk  ba Líder Nasionál Xanana hanesan moos Eis-Seminarista.

‘’Respeitu hanesan Líder Nasionál, maibé hanesan moos Eis-seminarista, lori eis-seminarista hotu ne’ebé halibur-an iha ETERNAL FRIENDS hato’o loron ksolok no deseju vida naruk  ba protetór grupu Eis-Seminarista, Xanana Gusmão’’. Espressa Gabriel Costa de Jesus hanesan Kordenadór Jerál Eternal Friends.

Xanana Gusmão moris iha loron 20 Fulan Juñu tinan 1946, husi munisípiu Manatutu no koñesidu hanesan líder nasionál no karrismátiku ho naran estimadu : Maun Bo’ot.

Eis-Prezidente no Eis-Primeiru ne’e, nu’udár moos bada’en ba konstrusaun Ótel Timor no sai moos eskritór molok Abilio Araujo Bolu nia hodi hamutuk iha Comite Centrál Fretilin (CCF) atu bele partisipa enkontru sira hodi luta ba libertasaun nasionál.

 

Jornalista: Arménio.

 

relavante