banner 728x90

Xanana hamulak iha kampanha Baze Fretilin-Viqueque, TMR iha rai-ulun

banner 120x600

G-NEWS (VIQUEQUE-LAÚTEM) – Sexta-Feira (21042023), Partidu CNRT kontinua hala’o nia kampanha Polítika iha Kampu Futeból Beloi Munisípiu Viqueque.

Militantes no Simpatizantes Partidu CNRT Munisípiu Viqueque, antusiasmu hodi rona komprimisu polítika hosi Prezidente Partidu CNRT Kay Rala Xanana Gusmão nian. Maske loron manas, maibé militante sira nunka sura koleb, no kontinua hatudu sira nia vontade ho animasaun múzika.

banner 325x300

Prezidente Partidu CNRT Kay Rala Xanana Gusmão antes hahú nia komisiu polítika, Nia fó presta ómenajen ba Afonço Kudalai ne’ebé mate tan violênsia polítika. Alende ne’e, Xanana mós hamulak ba matebian no natureza lulik Viqueque nian, atu tau matan ba sira, no tulun ho atividade ne’ebé mak halo ho interese nasionál.

Hafoin ida ne’e, Kay Rala Xanana Gusmão hateten, éroi loloos ba Timor Leste nia Independênsia mak Povu, ferik no katuas sira. Tanba ne’e, dezenvolvimentu nasionál presiza duni atu to’o iha nível aldeia sira.

Iha komisíu Polítika Prezidente CNRT iha munisípiu Viqueque, Xanana Gusmão esplika kona-ba partisipasaun Povu iha funu libertasaun Nasionál, kurize mós Governu atúal kona-ba utilizasaun Orsamentu Jerál Estadu, fundu Petrolíferu, ekonómia rai-laran, no seluk tán.

Bainhira CNRT ukun, sei Salva Estady Direitu Demokrátiku, no prioritiza ba Dezenvolvimentu Nasionál, nune’e povu bele sente válor hosi ukun rasik an ne’e.

“Hili CNRT, primeiru mak Salva Estadu direitu Demokratiku, no segundu mak haree ba dezenvolvimentu nasionál”, Xanana hateten.

Iha kampanha CNRT nian iha Munisípiu Viqueque, partidu ne’ebé lídera hosi Kay Rala Xanana Gusmão mós simu afiliasaun militante sira no estrutura nível munisípal hosi Partidu Libertasaun Popular (PLP) no Partidu Demokrátiku (PD).

Entertantu, Sexta-Feira (21042023) iha Munisípiu Laútem, militante sira hosi Partidu Libertasaun Popular (PLP) antusiasmu rona deklarasaun polítika Taur Matan Ruak nian, iha kampanha ho tipu dialogu, ne’ebé hala’o iha Ginájiu Munisípiu Laútem.

Perante militante, Prezidente PLP Taur Matan Ruak deklara, bainhira PLP hetan fiar hosi povu hodi ukun, sei hadia povu nia moris.

Alende ne’e, Taur Matan Ruak mós husu militante no simpatizante sira atu vota loloos iha loron eleisaun.

“Ha’u husu atu labele vota sala iha loron eleisaun, nune’e bele hadia povu nia moris, se ita vota sala, tinan lima mai ita vota sala tan, Ha’u dehan Ha’u beik sala, ne’e ita atu hirus ba se, hili loloos”, Taur enkoraza

Militante Partidu PLP iha Laútem sei depozita votus konfiansa ba Taur Matan Ruak iha eleisaun parlamentár, iha loro 21 fulan Maiu tinan ne’e.

Jornalista     : Ekipa G-News
Editór Testu : Amito Qonusere Araújo

banner 325x300

relavante