banner 728x90

Xanana tenke ukun “Next Government”

banner 120x600
66 Views

G-NEWS (DILI) – Joven no komunidade iha balun hosi Munisípiu Covalima sei votus konfiansa ba Kay Rala Xanana Gusmão, liuhosi partidu CNRT, atu manan iha eleisaun parlamentar tinan 2023.

Votus konfiansa ba Xanana ne’e tanba hare’e hosi kontribuisaun iha tempu funu to’o ukun rasik an, no solidariedade ne’ebé Komandante-Em Xefe halo hasoru sidadaun sira iha tenpu impase polítika, kalamidade no konfinamentu obrigatóriu ne’ebé Estado aplika.

banner 325x300

Kuarta-Feira (08022023) iha estrada Merkadu Taibesi, Joven João Pinto hosi Munisípiu Covalima, ne’ebé hala’o atividade negósiu iha kapítal Dili hateten, nia parte sei organiza ninia família no joven sira seluk atu fo apoiu Xanana liuhosi partidu CNRT atu ukun iha Governasaun tuir mai.

Tuir Nia, Xanana mak líder úniku sempre solidariza sidadaun sira ne’ebé enfrenta problema, hetan intimidasaun no problema sosiál seluk ne’ebé enfrenta durante ne’e.

Xanana nia aktus ne’ebé halo hasoru sidadaun sira, halo João ho nia família inklui nia kolega sira sente katak, merese duni ba Xanana atu ukun Governasaun iha períodi tuir mai, nune’e bele hadia povu nia moris, liu-liu rezolve problema rai, agrikultura, edukasaun no saúde inklui setór seluk ne’ebé fo benefísiu direta ba povu no nasaun.

Iha parte seluk, Negosiante Martinho de Jesus hosi Munisípiu Viqueque informa, tempu to’o atu entrega rotan ukun no bandu nian ba Timor nia nain, Kay Rala Xanana Gusmão, mak bele deside sé-loos mak atu hamutuk ho partidu CNRT iha Governasaun tuir mai.

Bainhira husu perspetiva Governasaun agora, Joven ne’e haktuir, Jenerá Taur mós bele, maibé ninia membru Governu balun arogante loos.
“Apa Taur nia governasaun ne’e diak, soke estraga ne’e hosi membru Governu balun, liu-liu hosi partidu KHUNTO no FRETILIN, tanba hatudu arogante. Arogante tanba hakarak huat hotu sira mak sai nain. Ida ne’e tuir ami joven sira nia haree. Tanba ne’e mak diak liu Governu tuir mai ne’e fo ba Avo Nana mak ukun ne’e par ita bele haree Nasaun ne’e atu lao oinsa”, haktuir Martinho iha tasi ibun Palásiu Governu nian.

Nia mós sei konsolida nia família sira ne’ebé envolve iha Partidu FRETILIN, PLP, KHUNTO no PD atu fo apoiu másimu ba Xanana Gusmão liuhosi Partidu CNRT, maske sira nia família balun mós hanesan estrutura partidu balun iha nível suku no postu balun. Aliende ne’e, sei influélensia mós ninia maluk joven sira iha munisípiu seluk, ne’ebé durante ne’e sira sempre ajuda malu iha atividade negósiu iha tenpu naruk nia laran.

Oras ne’e dadauk, partidu politiku sira hahú konsolida iha fatin-fatin, liu-liu area remotes sira, ho objetivu atu halibur sidadaun sira hodi prepara ba eleisaun parlamentar ne’ebé akontese iha tinan ne’e.

Jornalista: Ekipa G-News
Editór Textu: Amito Qonusere Araújo

relavante