G—NEWS (DILI) — Intituitu Nasional Combate HIV-SIDA sensibiliz informasaun HIV-SIDA ho objetivu atu konsolida no proteze problema HIV-SIDA iha Timor-Leste.
Presidente Intituitu Nasional Combate HIV-SIDA Daniel Marcal hateten, Objetivu sensibilizasaun ne’e ne’e atu konsolida, haforsa no oinsá mak atu proteze problema HIV-SIDA no tenki hamutuk hodi proteze moras iha Timor-Leste.
“Ohin ne’e importante teb-tebes tamba sefe suku no sefe Aldeia Sira mak iha base tamba hamutuk ho komunidade sira lor-loron no sira tenki iha konesementu hodi identifika Fatin risku sira ne’ebe sa’i hela knuk ba transmisaun HIV no labele moris hamutuk iha fatin sira ne’ebe sa’i hela ema balun nia target, dehan Presidente INSIDA ba Jornalista iha salaun CNE.
Nia haktuir, programa sensibilizasaun informasaun nu’udar preventivu ida ba transmisaun HIV iha Timor-Leste no programa ida ne’e nia funsaun mak atu konsensializa ema hotu hodi prevene an husi transmisaun virus ida ne’e.
“Tamba Ita hare iha Timor-Leste no iha mundu transmisaun HIV ne’e barak liu ne’e husi relasaun sexual no nia pursentu iha Timor-Leste no iha tinan ida ne’e ami seidauk iha, maibe numeru ne’ebe ami hare husi Ministeriu saude ne’e fin de 2024 ne’e iha ona rihun Rua atus rua resin ona (2200), Nia sublina.
Presidente ne’e hatutan, Instituto Nasional de Combate HIV-SIDA, IP. halo ona kordenasaun ho entidade balu hodi realiza atividade semináriu sensibilizasaun informasaun HIV-SIDA no moras Hadaet Relasaun Seksual iha ámbitu ba estudante, profesores, autoridade lokal no fardadus durante loron rua (2).
“Barak Liu ne’e ita hare husi atividade ne’ebe produtivu tebes, bainhira ita la servisu makas no la hamutuk ita sei lakon fini barak ne’ebe potensia teb-tebes tamba sira moris ho HIV-SIDA, dehan Nia.
Iha Fatin hanesan, representante Diretór Nasionál apoiu Administrasaun suku husi Ministériu Estatal Celestino Marques hatutan, governu iha komitmentu tomak sempre fó apoiu ba iha INSIDA hodi bele halo formasaun ba prevensaun HIV nian, katak labele iha munisipiu Dili de’it, maibé bele halo iha munisipiu hotu, no liu-liu ba iha munisipiu ne’ebé mak detekta iha risku ne’ebé bo’ot ba iha transmisaun HIV-SIDA.
“Atu ne’e ita bele iha asaun ida deit hodi halo prevensaun ba moras hirak ne’e atu nune’e bele hadook ita nia komunidade no liu-liu ba ita nia joven sira ne’ebe Mai ho Idade produtivu atu nune’e bele prevene sira husi moros transmisaun moras HIV-SIDA iha Timor-Leste”.
Celestino Marques dehan, atividade ohin hala’o de’it ba munisipiu Dili, no depois planu ba oin sei to’o iha munisipiu sira hotu.
loading="lazy" />