G-NEWS (DILI) – Herculano Vicente koñesidu Asala, estudante livre teória hosi departamentu polítika públika UNTL, iha programa prioridade sira ne’ebé sei implementa durante mandate, bainhira hetan konfiansa hosi populasaun sira, iha Suku Foho-Ailico, postu Hatu-Udo munisípiu Ainaro.
“Programa prinsípal sira ne’e mak hanesan Hapara rejionalismu, edukasaun popular, Kritika konstrutivu, Defeza juventude, desportu amizade ate-marsiais/rituais, solidária koletivu, Tranparânsia, no hakbesik atendimentu ba komunidade”, nia haktuir, liuhosi komunikadu ba G-News (Sexta-Feira 15092023).
Alende ne’e, kandidatu Xefe Suku Foho-Ailico ne’e mós sei kria Kooperativa no turismo no reflorestasun Ambiental protezidu.
Asala mai ho nia misaun mak atu Organiza mobliza asaun ba progresu, ho vizaun hari’i suku inkluzu ho komunidade partisipativu demokratiku igualdade no justu, no nia motto mak ulun ba estadu lian ba sira neb’e lian laek, tanba ne’e nia bolu populasaun tomak suku Foho Ailico nian atu vota kandida ida ne’ebé maihosi sosiedade inluzivu no fraternidade
Herculano Vicente koñesidu Asala, oan-dahuluk hosi Maun Alin Feton Nain Walu(8) hosi Sabino Vicente no Antoninha Bianco, Uma Lisan aman Leo-Dato no no inan Leo-Te, iha aldeia Ailora, Suku Foho-Ailico postu Hatu-Udo munisípiu Ainaro.
Asala iha ona esperiensia ba organizasaun tanba envolve iha movimentu sira hanesan membru Front Mahasiswa Timor Leste-FMTL, Membru Fundador KESPHU, Membru MUTL, Vise Prezidente Juridisaun Organizasaun Registensia Sagrada Familia-ORSF.
Antes ne’e, Kandidatu Xefe Suku Foho-Ailico ne’e hala’o kna’ar iha ONG Rede-Hasatil, Peskizador Kontratu Ministériu Agrikultura, Peskizador ONG MDI, Monitoring Advokasia, no dadaun ne’e hanesan funsionáriu iha Instituisaun Governu balun.
Asala promote, bainhira eleitu sai xefe suku ho konfiansa populasaun nian, nia sei implementa programa sira ne’ebé trasa tiha ona, nune’e bele dezenvolve suku ne’ebé nia lídera to’o mandatu remata.
Jornalista : Ekipa G-News
Editór Testu : Amito Qonusere Araújo
loading="lazy" />