G—NEWS (PORTUGAL) — Iha audiénsia primeiru ho jornalista sira, depois eleisaun ba pontifikadu, Papa Leão XIV hatudu imajen ne’ebé simples ho profundidade espiritual.
Ho nia sorriso nebe nakonu ho esperansa, hodi husik hela mensagem ba jornalista sira nebe marka presença hosi fatin hotu-hotu iha mundu, ne’ebé akompanha no publika notícia, desde papa Francisco nia mate too iha conclave no eleisaun Papa foun.
Iha enkontru simbóliku ida ne’e, Papa hatudu agradecimentu boot ba servisu jornalista sira, no rekoyese papel importante ida, ne’ebé sira halo iha konstrusaun lia los no paz. Jornalista nudar figura importante, hodi misaun bo’ot atu kontribui paz iha mundo. Papa fó apelu klaru:
“Hau hakarak ita hotu ajuda mundu ho notísia dame no paz .”
Papa Leão XIV foka tan iha poder boot mak liafuan, liu-liu iha konteksu atual rede sosiál nian. Ita bele dehan rede sosiál hanesan TikTok, Facebook, Instagram, Messenger, ou meius seluk tan, nebe mak ita uza loroloron, bele sai instruméntu hodi dame no paz ba ema seluk, no bele fasilita konflitu sai dame ba malu. Ita-nia liafuan tenki sai kilat ba dame no paz, hodi esperansa bo’ot nebe bele hakotu konflito nakfilak ba dame no paz.
Ho paz, ho dame no koalia ho responsabilidade, importante liu iha tempu agora. Iha tempu ida ne’ebé desinformasaun bele sai arma nebe destrói ou kria konflito. Neduni komunikasaun nudar arma moral nebe bele hapara conflito oin-oin deit.
Sempre koko publika informasaun nebe los, husi fonte nene los, laos uja fali atu hatun malu ou kria ambiente desharmonia.
Dame no Paz komesa husi ita-nia liafuan, ita-nia atitude no iha ita an rasik. Se bele ita nia presensa iha mundu, ou iha nebe deit, presencial ka digital, tenki sai presensa nebe lori dame no paz.
Mensajen husi Papa Leão XIV ne’e sei haktuir, la’ós deit ba jornalista sira, maibé mos ba ita hotu-hotu.
loading="lazy" />