G-NEWS (PANTE MAKASAR) – Sekretáriu Estadu Floresta Fernandino Vieira da Costa ensera ona atividade akampamentu kona-ba Oe-cusse Perma Youth Camp 2023 ne’ebé organiza husi organizasaun Permatil iha aldeia Lakofoan, Suku costa, Sub Rejiaun Pante Makasar, Rejiaun Administrativa Espesial Oecusse Ambenu Sesta Feira (25-08-2023).
Diretór Premakultura Timor Leste Eugenio Pereirra “ Ego Lemos “ hateten Atividade Permatil ne’e durante semana ida hodi hanorin komunidade atu aprende oinsa halo konservasaun bee no rai.
“Atividade ne’e durante Semana ida ne’ebé hanorin Komunidade sira kria debun, travasaun Kadalak, adubus organiku kantaderu iha rai lolon no seluk tan, ida ne’e atu atrava udan ben ne’ebé tun atu nune’e labele lori rai ba tasi “, hateten Diretor Premakultura Timor Leste Eugenio Pereirra “ Ego Lemos “.
Permatil rekomenda governu da-sia tau atensaun hodi apoio juventude loke kria kampu serbisu iha rai laran tanba Timor Leste pursentu 74 maiória joven.
“Permatil Rekomenda Ba Governu Dasia atu tau atensaun no apoiu Ba joven sira tanba pursentu 74 ne’e maiória joven ho idade 30 mai kraik entaun ita enfrenta situasaun problema sosial ida mak ita nia joven sira no ema produtivu sira sai husi ita nia rai, ida ne’e ita hanoin katak servizu ema nia rai ne’e dezenvolve ema nia ekonómia maibé laos Timor Leste “ Haktuir Ego Lemos.
Komunidade Vutorino de Araujo, Reprezesante postu Oeselo agradese ba atividade Permatil tanba hanorin sira oinsa halo preserva no konservasaun bee nomos salva animal fuik sira.
“ Ha’u Agradese teb-tebes ba attividade Permatil nian tanba hanorin ami atu aprende oinsa atu prezerva no konservasaun bee hanesan kria debun natural no debun foun, kria kadalak iha mota nomos aprende kona ba ai-horis sira ne’ebé Mak Kaer Be. Alende ne’e iha setór agrikultura ami aprende oinsa halo terasu, oinsa kria fatin balada fuik sira nian iha ailaran” Vitorino De Araujo Agradese
Sekreáriu Estadu Floresta Fernandino Vieira da Costa apresia servisu Permatil tanba bele ajuda Governu hodi hanorin komunidade sira ho sistema konservasaun bee no rai atu salva infraestrutura no hamenus degradasaun.
“ Hau apresia ho inisiativa husi permatil ne’ebé lidera husi Ego Lemos, ne’e hanesan programa ida ne’ebé Ajuda ona ba Governu tanba ohin Ha’u halo observasaun ba programa no Atividade Ne’ebé Mak Sira Halao durante semana ida nia laran, ne’e hanesan programa ida ne’ebé kapaas tebes atu hanorin Komuniadade sira oinsa atu halo Konservasaun Bee no rai hodi prevene degradasaun Rai atu nune’e Sedimentasaun labele akontese, hodi estraga infraestrutura ne’ebé mak ita dezenvove ona “ Fernandino apresia
Fernandino promote orsamentu tinan 2024 sei apoiu Permatil atu kontinua inisiativa sira nia aktividade nebe iha hodi alerta ba Miunisipiu Sira seluk Atu nune bele salva ita nia rai no nasaun tamba timor leste dadaun nee menus bee tamba ailaran no floresta laiha entaun labele halo konservasaun bee iha rai okos .
Aktividade Permakultura ne’e entusiasmu hosi Komunidade no reprezentate husi suku 18 no aldeia 63 no mós instituisaun oi-oin iha RAEOA laran Tomak inklui forsa F-FDTL, Bombeirus nomos protesaun Sivil nomos hetan partisipasaun hosi munisipiu Baucau, Viqueque, Aileu , Ermera no Likisa.
Entretantu formasaun ne’e Durante semana ida hahú loron 21-26 fulan agostu 2023, no hetan Apoio husi Ministeriu Joventude Desportu arte e kultura ho orsamentu U$25.000 , RAEOA U$100.000, Permatil U$7000.
Jornalista : Asensio
Editór Testu : Amito Qonusere Araújo
loading="lazy" />