G-NEWS (KUALA LUMPUR) – Feto ida iha Malázia deskobre iha laen hamutuk rua. Laen na’in rua ne’e hela iha fatin ne’ebé diferente, no ida-idak lahatene prátika poliandria hosi nia feen.
Skandálu poliandria ne’e hato’o hosi advogadu Shazril, ne’ebé hakotu kazu ne’e. Nia konta kazu ne’e liuhosi video TikTok.
Tuir video refere, feto ne’ebé la fó sai identidade ne’e, ho nia laen primeiru ne’e iha Siam, Tailandia, ne’ebé la hetan koñesimentu hosi família parte rua.
Entertantu, Nia ho nia laen da-ruak iha Malázia, iha ne’ebé sira nia relasaun hetan koñesimentu hosi família rua nian.
Entertantu, laen na’in rua hosi feto ne’e lahatene aktus poliandria sira nia ferik-oan, no la hatene ida-idak nia rezidénsia.
Atu taka segredu hosi kazamentu poliandria nian, feto ne’e vizita laen da-huluk iha loron ho rajaun nia servisu no fila iha tenpu kalan, nune’e kontinua hamutuk ho laen da-ruak nian.
Shazril la mensiona oinsa ho prátika poliandria feto refere ikus mai públiku hatene. Maibé kuandu ema hotu hatene, nia rejeita atu halo divorsiu entre laen na’in rua ne’e tanba nia hadomi sira hanesan.
“Halo buat ida ne’ebé kontra ne’e di’ak liu”, Advogadu ne’e haktuir, ne’ebé haktuir iha Hype, Kinta-Feira (20072023).
Bainhira halo postajen video refere, utilizador TikTok kuriozu atu hatene kona-ba kazu refere. Ema barak mak husu Shazril, oinsa ho feto ne’e bele divorsiu entre laen ne’e ida.
Shazril responde katak, “Nia ba ho laen da-ruak nian ne’ebé hili hosi nia aman, no halo divorsiu ho laen da-huluk”.
Advogadu ne’e mós husu tán katak, oinsa ho kazamentu ho laen na’in rua ne’e hetan rekoñesimentu no bele autoriza hosi relijiaun Musulmanu.
Tuir Nia, kazamentu sira nian ne’e hetan duni rekoñesimentu, maibé entre sira na’in rua, ida tenke hetan divorsiu.
Atu haktuir katak, kazamentu poliandria la autoriza iha relijiaun Musulmanu. Ema sira ne’ebé prátika poliandria tenke hetan divorsiu hosi Ministériu Relijiaun ninian.
Ekuantu, desde inísiu kedan, feto ne’e la aseita atu hosik laen na’in rua ne’e, no kontinua ejisti atu kontinua moris hamutuk. To’o mumentu ida atu taka kazu refere, públiku sira la fiar oinsa ho sentimentu laen ida-idak nian bainhira hatene ona kona-ba ne’e.
Jornalista/Fontes : SindoNews.com
Editór Testu : Amito Qonusere Araújo
loading="lazy" />