G-NEWS (PORTUGAL) — Centro Missionário Allamano iha Fátima, Portugal, fasilita kursu intensivu ba integrasaun missionária ba partisipante na’in-71 hosi kongregasaun diferente ho nasionalidade na’in-19, inklui misionáriu Timor Oan sira mak hetan misaun iha Portugal, Hahú hosi loron 22 to’o loron 26-fulan Jullu tinan 2024.
Kursu intensivus ne’e, organizadu hosi IMAG (Institutos Missionários de Ad Gentes), ne’ebé oferese oportunidade valiózu ba aprofundamentu no atualizasaun kompeténsia misionária hosi partisipante sira.
Kursu ne’e aborda temas importante sira, inklui formasaun ba modelu kultura sira. Tópiku ne’e krusial ba misionáriu sira, tanba bele ajuda sira hodi adapta no traballá efetivamente iha kontextu kulturál diferente.
Kapasidade ba kompreende no interaja ho modelu kultura diversu sira ne’ebé fundamental ba susesu iha misaun.
Aspetu importante seluk ne’e mak hanesan dezafiu ba interkulturalidade.
Formasaun ne’e fó oportunidade ba partisipante sira hodi refleta kona ba maneira hodi lida ho diversidade kulturál no promove dialógu respeituozu no konstrutivu entre kultura diferente.
Promove mos oinsá atu sai lideransa servidor. Servi ba nia komunidade, ida ne’e fo perspetiva valiózu kona-ba maneira hodi lidera ho empatia no servisu sa de’it, ne’ebé komunidade fó fiar ba ita.
Iha mós tema kona-ba autokoñesimentu no intelijênsia emosional, ne’ebé fó atensaun ba partisipante sira hodi dezenvolve konsiénsia maior ba sira an rasik hodi hadia abilidade komunikasaun no empatia iha fatin misaun.
Pe. Domingos Gudinho de Araújo
(Missionário Timor oan iha Portugal)
loading="lazy" />