G—NEWS (INTERNASIONAL) — Loron ne’e desidi ona durante enkontru kardeál sira nian iha tersa-feira ne’e (22). Igreja Katólika sei hala’o serimónia lubuk ida hodi despede Fransisku. Antes ne’e, pontífise nia mate-isin sei lori ba Bazílika São Pedro iha Kuarta (23) hodi halo omenajen públiku.
Vatikanu fó sai katak Papa Francisco nia funeral sei hala’o iha sábadu, tuku 10 dadeer oras lokál iha Roma. Loron no detalle sira seluk deside ona durante enkontru kardeál sira nian iha Tersa (22).
Tuir Vatikanu, iha sábadu sei selebra misa Funeral Papa Francisco nian iha Bazílika São Pedro no sei prezidi hosi kardeál Giovanni Battista.
Misa Funeral maka selebrasaun litúrjika katólika ne’ebé hala’o tanba ema ida mate no iha momentu funeral nian. Ritu ne’e prevee iha livru “Ordem dos Exequies do Supremo Pontífise”, ne’ebé determina serimónia funerál sira pontífise nian.
Kaixaun ne’ebé iha pontífise nia mate-isin sei transfere hosi Kapela Santa Marta nian ba Bazílika São Pedro nian iha loron-kuarta, no sei hatudu ba omenajen públiku sira. Transferénsia ne’e sei iha prosisaun ne’ebé sei liu hosi Prasa Santa Marta no Prasa Prototomártires Romanu nian, sei sai liuhosi Arco dei Sino diresaun Prasa São Pedro nian no sei tama ba bazílika liuhosi odamatan sentrál.
Funeral Francisco nian sei haleu ho série serimónia sira hosi Igreja Katólika hodi despede pontífise. Antes ne’e, Vatikanu informa ona katak serimónia ne’e tenke hala’o entre sesta (25) no domingu (28).
Francisco mate ho idade 88 iha Segunda (21). Vatikanu fó sai katak papa hetan AVC, tuir fali ho insufisiénsia kardíaka ne’ebé labele hadi’a fali.
Iha loron hirak tuir mai, hein katak Igreja Katólika sei hala’o serimónia lubuk ida hodi despede Fransisku. Rituál sira fahe ba etapa tolu, hahú hosi preparasaun mate-isin nian to’o hakoi.
Hakat dahuluk halo ona iha loron-segunda, bainhira Igreja konfirma ofisialmente papa nia mate no taka metin apartamentu papa nian sira.
Iha oras hirak tuir mai, hein katak Fransisku nia mate-isin sei hatais kamizola mutin no vestidu mean no tau iha kaixaun ai simples ida. Urna funerária sei lori iha prosisaun ba Bazílika São Pedro nian, iha ne’ebé sei hatudu durante loron tolu.
Vatikanu fó sai katak, papa nia mate-isin sei lori ba bazílika iha loron Kuarta (23) dadeer. Husi loron ne’e ba oin, sarani sira sei bele presta sira nia omenajen ikus.
Hafoin espozisaun públiku, hena mutin ida sei tau iha Francis nia oin. Tuirmai sei selebra misa funeral ida, ho omilia ida kona-ba papa nia moris no espiritualidade.
Hafoin misa, mate-isin sei lori iha prosisaun liuhosi Roma ba Bazílika Santa Maria Maggiore nian, iha ne’ebé sei hakoi.
loading="lazy" />