G—NEWS (VATIKANU) — Iha audiência ne’ebé concedida iha dader kiinta-feira, loron 22 fulan-Maiu, ba partisipante sira iha Assembleia Geral Pontifícias Obras Missionária (POM), Papa Leão XIV dirije liafuan rekoñesimentu no enkorazamento nian ba representante sira ne’ebé husi nação liu 120 iha enkontru anual nian. Pontífice hahú ninia diskursu hodi agradese ema hotu ba sira-nia servisu evangelizasaun nian:
“Ha’u expressa, uluknanain, ha’u nia gratidaun ba ita boot no ita-boot sira nia kolaboradores ba servisu ne’ebé essensial tebes ba misaun evangelizasaun nian husi Igreja, hanesan ha’u bele fó sasin rasik husi ha’u nia ministériu pastoral nian iha Peru.”
Papa Leão XIV konfirma katak POM konstitui nafatin “meiu prinsipal sira atu desperta responsabilidade missionária batizadu nian”, espesial iha rejiaun sira ne’ebé Igreja sei iha hela fase de formasaun.
Papa Leo XIV iha ninia dirkursu mensiona espesifikamente Obra Pontifícias haat: Propagação da Fé, Infância Missionária, São Pedro Apóstolo e União Missionária:
“Promosaun zelo apostóliku ba povu sira sai nafatin hanesan aspetu essensial ida ba renovasaun Kreda nian ne’ebé prevista ona iha Koncílio Vatikanu II, no ida ne’e urjente tebes iha ohin loron. Ita nia mundu, kanek tanba funu, tan violênsia no injustisa, presiza rona mensajem Evangélika kona-ba Maromak nia domin no experimenta Kristu nia Grasa nu’udar kbi’it rekonsiliador nian.”
Hanoin hikas nia omilia iha inísiu pontifikadu nian, Amu-Papa repete Kreda nia vockasaun atu sai “missionária, ne’ebé loke liman ba mundu, haklaken Liafuan di’ak… hodi sai fermentu de konsórdia ba humanidade”.
Nia mós hanoin hikas Papa Francisco nia liafuan sira iha Evangelii Gaudium: “o Senhor venceu o mundo e sua permanente conflituosidade, tendo-o ‘pacificado com o sangue da sua cruz”.
Ikus mai, Pontífise fó hanoin katak selebraçsaun Tinan Santu ida ne’e nian desafia ita hotu atu sai “peregrinu esperansa nian” no, hodi foti liafuan sira ne’ebé Papa Francisco hili nu’udar tema ba Loron Mundial das Missões iha tinan ne’e, nia enkoraza nafatin ba hirak ne’ebé presente iha Assembleia Greral ne’e atu nafatin sai “missionáriu esperansa nian ba povu sira”.
loading="lazy" />