G-NEWS (INTERNASIONAL) — Udan maka’as ne’ebé asosiadu ho furakaun Beryl no tempestade tropikál, Alberto ne’ebé akontese uluk lori ona pelumenus lafaek 200 tama iha área urbana sira iha estadu norte Méxiku nian, Tamaulipas, iha Texas nia sorin, haktuir hosi autoridade estatál no federasaun sira iha semana ne’e.
To’o agora, autoridade sira hatete katak, sira kaptura no muda ona réptil boot hamutuk 200 resin dezde Alberto halo udan iha rejiaun ne’e iha fulan-Juñu. Beryl hamoos área hanesan antes to’o iha súl Texas nian iha inísiu semana ida-ne’e.
Autoridade sira hatete katak, udan-boot sira hasa’e nível bee nian iha lagoa kosteira sira, hodi halo animál sira rasta ba sidade sira hanesan Tampico no sidade sira besik Ciudad Madero no Altamira, iha ne’ebé pelumenus krokodilu 165 hetan kaptura no muda ona.
Xefe departamentu ambiente estadu Tamaulipas nian, Karina Lizeth Saldívar, hatete iha komunikadu ida katak “udan sira foin lalais ne’e aumenta ona nível bee nian iha sistema lagoa nian, ne’ebé hamosu aumentu iha observasaun krokodilu sira nian.”
Prokuradór Jerál Federasaun nian ba Protesaun Ambientál hatete katak, krokodil 40 tan maka kaptura ona iha área ne’e iha fulan-Juñu no muda ona ba habitat apropriadu iha liur área populadu sira.
Problema ne’e bele kontinua, eskritóriu ne’e hatete, hodi nota katak “bainhira bee nia nível tun iha fatin sira hanesan dalan sira no kanál drainajen sira ne’ebé hetan inundasaun, lafaek sira sei mosu no haree sira sei aumenta.”
Problema ne’e mosu iha semana ida-ne’e bainhira utilizadór sira hosi mídia sosiál publika vídeo sira hosi krokodil oioin ne’ebé kesi iha área urbana sira. Ne’e “hamosu barullu iha mídia sosiál sira”, departamentu ne’e hatete.
Krokodil sira maka espésie ida ne’ebé hetan protesaun iha Méxiku. Atake sira hosi sira iha Méxiku ladún akontese maibé akontese ona.
Editór Testu : Amito Qonusere Araújo
loading="lazy" />