G—NEWS (INTERNASIONÁL) — Forsa Tarefa Seguransa Fronteira Indonézia-Demokrátika Timor Leste (RDTL) Yonif 741/GN Motamasin asegura ona karreta Toyota Rush rua iha Estrada Transfronteira Malaka, Suku Kobalima Leste, munisípiu Malaka, Nusa Tenggara Leste (NTT ). Kareta metan rua ne’e deskonfia lori mai Timor Leste.
“Ami nia membru sira fiar katak ne’e kazu kontrabandu, tanba ne’e ami prende kedas evidénsia sira ne’e,” dehan Komandante Komando Distritu Militar 161/Wira Sakti Kupang (Danrem), Brigadeiru Jenerál Joao Xavier Barreto Nunes, Tersa (21/1/2025).
Nunes esplika katak, karreta rua ho xapa matríkula B 1911 HOW no B 1760 HOT ne’e asegura ona iha Segunda (30/12/2024). Soldadu TNI lubuk ida iha fronteira depois halo kontrolu ba karreta rua ne’e molok sira hetan seguransa iha Postu Fronteira Estadu Motamasin (PLBN), munisípiu Malaka.
Tuir Nunes, membru TNI sira iha ne’ebá hafoin kontaktu ho esportadór karreta rua ne’e hodi halo autentikasaun ba viatura sira ne’e. Tuirmai TNI kontaktu karreta nia na’in Jakob Egral Kasihung hodi husu karreta ne’e haruka ba ne’ebé.
Jakob rekoñese ba TNI katak nia hakarak esporta karreta ne’e mai Timor Leste. Maibé, Nunes dehan, Jakob nia deklarasaun muda.
Iha loron Sábadu (4/1/2024), TNI bolu fali esportadór hodi lori dokumentu kompletu ba karreta rua ne’e. Bainhira halo verifikasaun, xapa matríkula karreta rua ne’e nian sai la koresponde ho dadus ne’ebé lista iha Sertifikadu Rejistu Veíkulu (STNK).
“Kareta ne’ebe mak atu haruka mai Timor Leste ne’e tuir planu atu fo doasaun ba nia alin feto hodi uza iha kompania iha Timor Leste,” dehan Nunes.
Tuir Nunes, Jakob sosa karreta rua ne’e ho osan Rp 277 millaun. “Modu ne’e esportasaun duni, maibé karreta rua ne’e la akompaña ho dokumentu kompletu no uza xapa matríkula falsu,” nia akresenta.
Nunes subliña, TNI halo ona koordenasaun ho ajénsia sira ne’ebé iha relasaun hodi prevene kontrabandu tuir fronteira RI-RDTL. Hahú husi munisípiu Timor Sentrál Norte (TTU), Belu, to’o iha Malaka.
“Tanba poténsia ne’e sai hanesan fatór kauza kontrabandu veíkulu husi Indonézia tanba folin baratu liu. Karik fa’an mai Timor Leste folin karun liu,” konklui Nunes.
Fontes : iws, Detik Bali
Editor Testu : Amito Qonusere Araújo
loading="lazy" />