G-NEWS (INTERNATIONAL)— Toomaj Salehi, rapper disidente iranianu ne’ebé halai sees hosi pena morte iha inísiu bailoron ida-ne’e hetan libertasaun tomak hosi akuzasaun orijinál sira hosi tribunál inferiór iha Isfahan, sentru Iraun nian.
Salehi sai hanesan lian xave ida ba disidente anti-governu iha Iraun durante protestu sira ‘Feto, Liberdade Moris nian’ iha 2022, ho lirika sira ne’ebé maka anima manifestante sira no husu sira atu hamutuk. Nia kondena ba mate hafoin hetan kondenasaun ba “korrupsaun iha rai” iha tinan kotuk.
Maibé iha inversaun ida hosi kazu ho perfil aas, Salehi nia sentensa hetan anulasaun hosi Supremu Tribunál Iraun nian no refere fali ba tribunál inferiór iha Isfahan hodi fó fali sentensa.
Ninia advogadu iha Iraun, Amir Raesian fó sai iha Tersa-feira katak Salehi hetan ona absolvisaun.
Maibé rapper iranianu sei hela iha kadeia nia kotuk.
“Ohin, ramu ida-ne’e fó sai nia desizaun kona-ba kazu Sr. Salehi nian hodi hala’o audiénsia ida no rona argumentu sira hosi advogadu sira kazu nian,” Salehi nia advogadu Raesian hatete ba jornál reformista Shargh Daily.
“Tuir desizaun, Sr. Salehi hetan absolvisaun hosi akuzasaun sira korrupsaun nian.”
Salehi hasoru nafatin akuzasaun legál rua; nia mós hetan akuzasaun hosi autoridade iranianu sira tanba publika deklarasaun falsu sira iha mídia sosiál no perturba orden públika.
Iha loron kuarta-feira, tribunál rekursu Isfahan nian refere ona akuzasaun rua ne’e ba tribunál kriminál hafoin deskobre katak labele fó desizaun kona-ba akuzasaun sira ne’e.
Grupu advokasia direitu sira Index Against Censura, ne’ebé maka halo kampaña maka’as ba Salehi nia libertasaun, foin lalais ne’e husu ba nia “libertasaun imediata” hosi prizaun.
Iha post ida iha mídia sosiál bainhira Salehi hasoru nia audiénsia ikus liu iha loron 9 fulan-Agostu, grupu ne’e subliña katak Salehi nunka “tenki pasa loron ida iha kadeia, sa tan iha juis nia oin.”
Fonte: Notísia CNN
loading="lazy" />