G-NEWS (BAUCAU) – Ekipa Identidade Únika (IDÚ) husi Ajénsia Teknolojia Informasaun no Komunikasaun (TIC TIMOR I.P-sigla Portugéz) finaliza sosializasaun programa Identidade Únika ba autoridade lokal sira iha Postu Administrativu neen (6) iha munisípiu Baucau.
Sosializasaun ne’e ho objetivu atu hatutan informasaun ba autoridade lokál sira kona-ba Saida mak ID Únika no nia benefisiu sira bainhira implementa ona programa refere.
Iha abertura, Prezidente Autoridade Munisipál Baucau Olivio Freitas hatete, programa ne’e presiza socializa nune’e autoridade lokál sira bele hatene kona-ba implementasaun iha futuru.
Sosializasaun loron da-ruak kuarta iha loron 19 fulan 07 tinan 2023 iha Postu Laga, Administradór Postu, Domingos Loiola Pereira agradese ba ekipa TIC TIMOR kona-ba sosializasaun ne’e, tanba iha identidade falsu barak.
Durante sosializasaun, Diretór Diresaun Identidade Úniku-TIC TIMOR, I.P Florindo Guterres da Costa agradese ba autoridade lokál sira nia partisipasaun ba sosializasaun ne’e.
Sosializasaun ne’e atu fahe informasaun ba autoridade lokál sira no simu rekomendasaun nomós kritika atubele prepara ba futuru implementasaun Identidade Úniku iha Timor-Leste.
Jornalista : Ekipa G-News
Editór Testu : Amito Qonusere Araújo
loading="lazy" />