G-NEWS (DILI) — Sábadu orseik, Aviaun aero Dili ho Rute Dili, Bali no Singapura, halo traumátiku ba passajeiru sira. Tuir knolójia, aviaun Aero Dili depois semo hosi aeroportu Bali ba Singapura, maibé liu de’it minutu 20, aviaun ne’e tenke fila fali ba aeroportu Denpasar, tanba iha espesie hanesan mangeira ida mak hetan ko’ak.
Bainhira tun iha Aeroportu Denpasar, ekipa tékniku sira halo manutensaun, ikus-mai aviaun ne’e kontinua nia Voo ba Singapura ho seguru.
Ministru Transporte no Komunikasaun Miguel Marques Gonçalves Manetelu, ba Jornalista sira, domingu (01092024) ko’alia ba Jornalista sira iha aeroportu Internasional Prezidente Nicolau Lobato, hafoin akompaña Primeiru-Ministru Kay Rala Xanana Gusmão, nia viajen Estadu ba Bali, Indonézia.
“Orseik ha’u fila hosi foho mai, maijumenus tuku-3 oras Timor Leste nian, simu telefone hosi passajeiru ida ne’ebé sae mós iha aviaun Aero Dili, nia hateten katak, aviaun semo tiha minutu 20 minutus hanesan depois fila fali ba Denpasar (Bali)”, Miguel da Costa Manetelu ko’alia ba Jornalista sira.
Governante ne’e kontinua tán katak, “Ha’u koordean kedan ho ACTL para buka tuir problema loloos ne’e saida, mas depois liu tiha minutu balun, Ha’u to’o ona mai Balibo, mak atu ba Batugade, maka Prezidente ACTL informa katak, iha tubu oan ida, modelu hanesan mangeira oan ida mak ko’ak, entaun komu aviaun ikus ne’e ho teknolójia ne’ebé mak iha sinal lakan, pilotu detekta, aviaun fila fali, ba tun iha Denpasar, depois troka tubu ne’e, mak depois aviaun kontinua semo mai, no kontinua voo ba Singapura, lori Sekretáriu-Jerál ONU.”
Miguel Marques Gonçalves Manetelu kontinua akompaña nafatin atu asegura katak aviaun ne’e tenke seguru duni, atu tula fali bainaka Sekretáriu-Jerál ho nia delegasaun fila ba Singapura.
Tanba tuir nia, Aviasaun sivil iha buat rua de’it mak safety ho seguransa, tanba kondisaun hirak ne’e mak importante ba passajeiru bainhiran hala’o viajen ho seguru.
“Orikalan ha’u fó kedan instrusaun, tékniku sira halo inspesaun ba aviaun ne’e, para haree iha kondisaun bele semo fali, agora ne’e aviaun privadu, maibé tanba autoridade aviasaun sivil ne’e tutela iha Ministériu Transporte no Komunikasaun, orikalan haree kedan so iha kondisaun mak bele semo, no agora ba fali Denpasar.” Miguel Manetelu esplika.
Aviaun Aero Díli hanesan modelu AirBus A320-4WAAL no nia folin liu dolar millaun 100. Sei tula pasajeiru na’in 165. Aviaun ne’e iha Tailándia iha faze preparasaun finál no sei to’o iha Timor-Leste iha fulan-Fevereiru nia rohan. Aero Dili iha ona lisensa husi Autoridade Aviasaun Sivil Timor-Leste atu halo operasaun.
Editór Testu : Amito Qonusere Araújo
loading="lazy" />