G-NEWS (MANUFAHI) – Administrasaun Munisípiu Manufahi Tersa-Feira (21/08) semana ne’e, realíza reuniaun revizaun Planu Estratéjiku Bee Saneamentu no Ijéniku (BESI) Munisípiu Manufahi, iha salaun Parokiál Same, ne’ebé produz ona iha tinan 2021, no hetan ona apresiasaun husi Konsellu Konsultivu Munisipal (KKM), no aprova husi Konsellu Koordenasaun Munisipal (KKM).
Administradór Munisípiu Manufahi Arantes Isaac Sarmento hateten, revizaun ne’e atu haree progrésu implementasaun planu BESI durante tinan rua nia laran, no hare mós kontestu munisipiu nian, kona-ba polítika, sosiál, teknolójia legál no ambiente, nune’e reafirma fali planu BESI ne’ebé eziste, ho esperansa ho revizaun ne’e bele rezulta planu BESI ne’ebé konsidera aspetu integrasaun sira, inklui mudansa klimátika no Igualidade jéneru, defiesiensia no Inklulizaun.
Iha fatin hanesan, Prezidente Bee Timor Leste (BTL-EP) Carlos Peloi dos Reis iha ninia aprezentasaun relata, progrésu asésu bee no Saneamentu iha Timor-Leste tuir dadus Joint Monitoring Plan (JMP), kobertura Bee iha nivel Nasional pursentu 79%, (Urbanu pursentu 92%, no Rural atinji pursentu 74%, Maioria la’os bee hemu, no Kobertura Saneamentu iha Nivel Nasional pursentu 50%, (Urbanu pursentu 75%, no Rural pursentu 42%.
Carlos Peloi aumenta tán, rekursu orsamentu interna no externa ba investimentu iha setór bee saneamentu no drainajen hafoin BTL-EP estabelése iha tinan 2021 ho totál orsamentu $ 845,305,112.52, kompostu orsamentu interna $ 208,203,558.35 (LM/MOP: $ 92,775,754.62, Fl: $14.427.803,73, no FCP: $ 101,000,000.00. Orsamentu Externa ho totál U$ 637,101,554.17 (Loan: $ 320 m, no Grant: U$ 317,101,354.17. Loan husi: ADB no WB. Grant husi : MCC-EUA, DFAT, JICA, GCF, ADB ho UNICEF).
Nia reálsa, Projetu foun implentasaun bee Munisípiu Manufahi, iha Projetu 3 kompostu perfurasaun agua potável iha postu Fatuberliu iha tinan 2022 finaliza ona, Konstrusaun bee-moos iha postu Fatuberliu fase dá-ruak tinan 2023 sei la’o hela, no konstrusaun sistema bee-moos iha Fatuberliu 2023 dadaun ne’e sei kontinua la’o.
Jornalista : Júlio Guterres Bosi-Cai (Júgu)
Editór Testu : Amito Qonusere Araújo
loading="lazy" />