G-NEWS (DILI) — Governu Britâniku deporta timoroan balun hosi Reinu-Unidu tanba viola regulamentu imigrasaun nian.
Deklarasaun ne’e G-NEWS asesu liuhosi komunikadu imprensa iha domingu (28072024) fim-de-semana ne’e.
Liuhosi komunikadu imprensa, Vise Embasadór Britâniku Timor Leste Matt Downing esplika kona-ba deportasaun Timoroan hosi Reinu-Unidu tanba viola regra servisu imigrasaun nian.
“Governu Britaniku deporta Timor-oan balun ne’ebé viola Regulamentu Imigrasaun Reinu Unidu. Operasaun ida ne’e mak hanesan Voo Charter dahuluk hosi Reinu mai Timor-Leste, to’o Dili ho seguru iha Kinta-Feira, 25 Jullu 2024”, haktuir iha komunikadu imprensa.
Matt Downing komtinua tán, “Ha’u hakarak agradese ba governu Timor-Leste ba kooperasaun exelente iha prosesu tomak”.
Matt Downing haktuir tán katak, Voo ida ne’e ilustra komitmentu Governu Reinu Unidu nian atu hari’i relasaun forte liu-tán ho Timor-Leste iha misaun ida oinsá atu hakotu iregularidade Migrasaun nian, inklui seguransa iha ami nia fronteira.
Tuir observasaun G-NEWS, bainhira timoroan sira ne’e to’o iha aeroportu Internasionál Prezidente Nicolau Lobato, Comoro Dili, simu hosi autoridade seguransa liuhosi Polísia Nasionál Servisu Investigasaun Kriminal (PNSIK), hodi lori ba estasaun Polísia hodi halo identifikasaun.
Editór Testu : Amito Qonusere Araújo
loading="lazy" />