G-NEWS (JAKARTA) – Destakamentu Espesiál 88 Anti-terror kaptura autór na’in hitu ne’ebé deskonfia halo provokasaun iha média sosiál relasiona ho Santu Padre Francisco nian, to’o iha Jakarta. Sira iha inisiál HFP, LB, DF, FA, HS, ER, no RS.
“Loos duni,” dehan porta-vós Densus 88, Komisáriu Seniór ka Kombes Aswin Siregar, bainhira konfirma hosi mídia Tempo Indonézia, iha Sesta, 6 fulan-Setembru tinan 2024.
Bazeia ba deklarasaun ofisiál hosi Densus 88, autór na’in-hitu ne’e mai hosi rejiaun oioin, mak hanesan Bangka Belitung, Sumatra Osidentál, DK Jakarta no Jawa Osidentál. Tuir mai ne’e mak involvimentu husi suspeitu sira:
1. HFP
HFP husu atu dokumenta no estuda protokolu seguransa Meskita Istiqlal nian molok Papa nia vizita ba Jakarta. Nia mós planu atu haruka ema sira hodi verifika Istiqlal nia protokolu seguransa nian.
Ba nia asaun sira, nia hetan kaer iha Segunda, loron 2 fulan-Setembru tinan 2024 iha dalan Panaragan Kidul, Panaragan, Bogor Sentrál, Sidade Bogor, Java Osidentál. Aplikasaun lei nian hala’o iha tuku 21.37.
2. LB
LB hasai narrativa provokativu ida hodi fornese imajen bomba ida iha koluna komentáriu sira hosi mídia Instagram Tempo nian ne’ebé fó sai kona-ba Amu-Papa nia to’o iha Jakarta. Depois nia hetan kaer iha Segunda-feira liubá maizumenus tuku 21.37 iha estrada Gunuk H. Taya, East Pejaten, Pasar Minggu, Jakarta Súl.
3. D.F
DF hato’o narrativa provokasaun hodi halo atentadu ba Amu Papa nia vizita iha Jakarta. Nia hetan kaer iha loron-tersa, 3 fulan-Setembru tinan 2024 tuku 07.15 iha dalan Dalang 1, Aldeia Pengasinan, Rawalumbu, Bekasi.
4. F.A
FA hato’o provokasaun ida iha mídia sosiál hodi sunu fatin kultu ka igreja sira durante Amu-Papa nia vizita iha Jakarta. Hafoin ne’e nia hetan kaer iha Tersa-feira liubá maizumenus tuku 08.13 iha Jalan Pahlawan, Aren Jaya, Bekasi Leste, Sidade Bekasi.
5. HS
HS bolu narrativa provokasaun iha koluna komentáriu Konferénsia Bispu Igreja Indonézia Komsos konta YouTube hanesan tuir mai ne’e “HA’U ATU BOMBA BA PAPA…HA’U TERORISTA…KUIDADU DE’IT…HEIN NOTÍSIA YEEE”. Hafoin ne’e nia hetan kaer iha Kuarta-feira, 4 fulan-Setembru tinan 2024 iha tuku 13.30 WIB iha Eskritóriu Infraestrutura Asentamentu Rejionál Provínsia Bangka Belitung nian.
6. ER
ER ne’ebé uza akun ABU MUSTAQIIM fó komentáriu iha Facebook ho fraze provokativu “…BBBOOOMMM…!!!” hodi hatán ba Papa Francisco nia pregasaun iha Meskita Istiqlal. Aleinde ida-ne’e, ER promete lealdade ba grupu militante islámiku ISIS iha 2014 no hakarak atu emigra.
Hafoin ne’e nia hetan kaer iha loron-kuarta liubá iha tuku 20.53 WIB iha Alfamart Sukajaya, Jalan Al Huda 1 Sukajaya, Distritu Cibitung, Rejénsia Bekasi.
7. RS
RS hala’o provokasaun ida iha mídia sosiál TikTok iha Kinta-feira, 5 Setembru 2024 iha tuku 16.12. Nia konta ameasa atu tiru Amu-Papa hanesan tuirmai: “Ha’u iha palásiu atu tiru Amu-Papa”.
Tuirmai nia hetan kaer iha Kinta-feira tuku 19.35 iha mota Batuang, Padang Kandang Pulau Air Padang Bintungan Vilage, Distritu Nan Sabaris, Rejénsia Padang Pariaman, Sumatra Osidentál.
Ba sira nia hahalok ne’e, suspeitu na’in hitu ne’e sei hetan prosesu. Prosesu legál ba suspeitu DF no FA sei hala’o husi Densus 88.
Entretantu, prosesu legál hasoru RHF, LB no ER sei hala’o husi Polda Metro Jaya akompaña husi Densus 88. Prosesu legál ba HS sei hala’o husi Polda Bangka Belitung, akompaña husi Densus 88.
“Prosesu legál hasoru suspeitu na’in ida, naran RS, hala’o hosi Polísia Padang Pariaman, akompaña hosi Densus 88 AT”, hakerek Densus iha komunikadu ofisiál.
Fontes : Tempo.com
Editór Testu : Amito Qonusere Araújo
loading="lazy" />