G-NEWS (DILI) – Bispu Diocese Baucau Dom Leandro Maria Alves nia aman, Graciano Alves hakotu ona is iha Ospitál Nasionál Guido Valadares Dili, iha segunda-feira (26122023) iha oras 01.00 dáder oras Timor Leste.
Liuhosi karta komunikadu Falesimentu nian, hosi Câmara Aclesiástika Diocese Baucau, ho nümeru ref 02/XII/2023, Diocese Baucau hato’o lia triste, no lia rekadu ba sarani sira hotu.
“Diocese Baucau, iha biban ida ne’e hakarak tatoli hela lia triste, lia rekadu ba sarani sira hotu, katak, ohin, loron 26/12/2023, iha oras 01.00 dáder htl, iha Hospital Guido Valadartes, Dili, fila hikas ona ba Aman Maromak nia reinu ita atan Graciano Alves, Dom Leandro Maria Alves, Bispo Diocese Baucau nia aman”, haktuir iha komunikadu imprensa ne’e.
Iha komunikadu ne’ebé asina hosi Chanceler Diocese Baucau Padre Áureo Jose da Costa Gusmão esplika katak, mumentu ne’e Na’I Lulik sira manifesta profunda tristeza, solidária no sentida kondolênsia ba Dom Leandro Maria Alves.
“Iha mumentu ida ne’e, ami Nai-lulik sira, relijiozos/as no sarani sira hotu Diocese Baucaiu nian, hakarak espresa no manifesta ami nia profunda tristeza, solidária no sentidu kondolênsia ba Dom Leandro Maria Alves, Bispu Diocese Baucau, ba parentes no familiars enlutadas”, tuir komunikadu falesimentu Diocese Baucau nian.
“Ami hotu harohan atu Na’i laran luak simu ita atan Graciano Alves iha nia reinu no halo nia deskansa ho dame iha eternindade”, hakotu iha komunikadu falesimentu nian.
Jornalista : Ekipa G-News
Editór Testu : Amito Qonusere Araújo
loading="lazy" />