G-NEWS (DILI) – Eis Vise Primeira Ministra, atuál Prezidente Partido KHUNTO Armanda Berta dos Santos, hakat ba edifísiu Policia Sientifica Investigação Criminal (PCIC), iha Caicoli, iha sesta-feira (05042024), iha tuku sia balun dáder oras Timor Leste.
To’o informasaun prelimináriu ne’ebé G-News fó sai, seidauk iha informasaun klaru kona-ba objetivu hosi prezensa eis Vise Primeira-Ministra ne’e iha edifísi PCIC.
Tuir observasau G-News, Berta dos Santos, antes ne’e assume kargu nu’udar Vise Primeira-Ministra, nu’udar mós Ministra Solidariedade Sosiál no Inkluzaun, iha Oitavu Governu Konstitusionál, ne’ebé akompaña nia laen kaben, José dos Santos Naimori Bukar, advogadu privadu Ismael Lopes, ho ekipa balun, mak ba edifísiu PCIC Caicoli.
G-News nafatin akompaña prosesu hotu, hodi bele hetan konfirmasaun loloos hosi Armanda berta dos Santos, no advogadu privadu kona-ba ninia prezensa iha edifísiu PCIC.
Editór Testu: Amito Qonusere Araújo
loading="lazy" />