G-NEWS (ATAMBUA) — Rezidente sira ne’ebé hela iha kapitál Timor Leste, Dili, inklui joven balun, halo viajen ba Rejiaun Administrativa Espesiál Oecusse Ambeno (RAEOA) hodi hola parte iha komemorasaun Loron Proklamasaun Independénsia ba dala 49. Selebrasaun ida-ne’e sei hala’o iha Oecusse iha loron 28 fulan-Novembru tinan 2024.
Maiória husi sira hili atu uza karreta privadu, lori sira nia família. Aleinde ida-ne’e, ajente administrativu governu nian lubuk ida mós partisipa iha viajen ida-ne’e.
Iha fronteira Motain, rezidente ida ho naran Marcos, bainhira G-NEWS husu informasaun, fó sai katak nia ba Oecusse ho nia família hodi selebra loron istóriku ida-ne’e. “Ha’u nia família, ami na’in lima, sei hola parte iha eventu nasionál, 28 Novembru iha Oecusse,” nia hatete.
Marcos hatutan tan katak ,nia hili atu halo viajen liuhosi rai-maran tanba billete aviaun nian karun, no mós billete ró nian la asesivel. “Razaun seluk konvida ha’u-nia família mak atu haree Oecusse, inklui viajen husi Atambua to’o fronteira Wini,” akresenta Marcos, Kuarta (27/11/2024).
Marcos subliña mós importánsia hosi partisipasaun sidadaun Timor Leste nian iha komemorasaun Loron Proklamasaun Independénsia, hodi haktuir katak ba sira ne’ebé iha viatura estadu nian, hala’o papél ativu iha eventu nasionál sira nu’udar obrigasaun ida. “Ida ne’e hanesan kultura ida ne’ebe tinan-tinan sempre akontese, liu-liu iha eventu nasional,” dehan Marcos.
Nota sira G-NEWS nian katak, aleinde ema baibain, iha mós ofisiál no aparellu estadu nian ne’ebé hola parte iha karreta ofisiál iha viajen ne’e, hala’o sira nia knaar servisu nian no anima selebrasaun sira loron nasionál nian.
G-NEWS tenta atu konfirma informasaun ho ajénsia administrativa estatál relevante oioin, maibé sira lakohi fó komentáriu. “Ami ba Oecusse,” ajente governu balun hateten badak, bainhira G-NEWS husu kona-ba objetivu husi sira nia viajen.
Joven ida husi Atambua ne’ebé servisu nu’udar kondutór transporte roda rua hateten, tráfiku iha fronteira okupadu tebes iha loron hirak liu ba, liu-liu rute husi Timor Leste ba Oecusse liu husi Atambua no fronteira Wini. “Barak mak liu, husi Timor Leste. Balun uza viatura ho xapa governu nian, iha mós privadu,” dehan nia ba G-NEWS, Kuarta (27/11/2024).
Monitorizasaun G-NEWS iha terenu hatudu katak, sidadaun Timor Leste sira ne’ebé halo viajen ba Oecusse liuhusi terrestre tenke forma naruk iha servisu imigrasaun nian, hodi hein prosesu validasaun ba sira-nia karimbu saída husi territóriu Timor Leste molok kontinua sira-nia viajen ba Indonézia.
Editor Testu: Amito Qonusere Araújo
loading="lazy" />