G-NEWS (MANUFAHI) – Estrada kotu tán besik metru 50 iha área rai kuak funu Japaun nian, besik Casa Sidadánia Mateus Ferreira suku Letefoho sidade Same vila, impede atividade paradu totál kinta-feira (06/07) Ohin.
Autoridade Munisípiu Manufahi to’o kedas fatin akontesimentu hodi koordena kedas ho servísu óbras Públiku no emprezariu Manufahi oan sira, atu hahú ateru no loke estrada alternativu hodi fasilita Komunidade sira iha kapitál Munisípiu Manufahi.
Marka prezensa iha fatin akontesementu empreza lokal My frend Unipesoal Lda, emprezariu Daloveya Unipesoal Lda, prontu mobiliza ekipamentu pesadu hodi ateru no loke estrada alternativu hodi fasilita movimentasaun Komunidade sira.
Administradór Munisípiu Manufahi Arantes Isaac mós kordena kedas ho rai na’in Adelino Ferreira hodi autoriiza ninia rain hodi bele loke dalan alternativu.
Entertantu impaktu udan bo’ot iha sidade same vila atividade paradu total, tanba ponte aba-tú kotu aat total, estrada kotu tán iha rai kuak funu Japáo nian, no estrada parte Ermeti mós hahú mosu Sinál mout no ameasadu monu.
Jornalista : Júlio Guterres Bosi-Cai
Editór Testu : Amito Qonusere Araújo
loading="lazy" />