G-NEWS (INTERNASIONAL) — Papa Francisco, ne’ebé nia naran moris nian maka Jorge Mario Bergoglio, maka atuál líder Igreja Katólika Romana nian. Nu’udar papa katóliku ba dala 266, nia iha faktu interesante lubuk ida ne’ebé ema ladún hatene. Iha ne’e faktu interesante neen husi Papa Francisco nian hanesan;
1. Te’in rasik
Bainhira nia sei Arsebispu Buenos Aires nian, nia hela iha apartamentu ida, tein rasik nia hahán no uza transporte públiku.
2. Fase grupu marjinalizadu sira-nia ain durante semana santa
Tinan-tinan iha semana Santa, nu’udar Arsebispu, Nia fase grupu marjinalizadu sira-nia ain, inklui pasiente HIV/SIDA no dadur sira, tuir Bloomberg News.
3. Hatais nafatin sapatu tuan bainhira nia eleitu nu’udar Amu-Papa
Bainhira nia eleitu nu’udar Amu-Papa, nia hili atu la uza sapatu mean ne’ebé halo espesialmente ba nia, maibé kontinua uza sapatu metan tuan, ne’ebé uza ona husi Buenos Aires.
4. La uza limuzina ne’ebé prevee ba nia
Hafoin nia eleisaun nu’udar Amu-Papa, nia deside atu fila fali ba otél ne’ebé nia hela ba hodi selu nia konta rasik, no hili atu sa’e bis ho Kardeál sira seluk, duké uza limuzina ne’ebé fornese ba nia.
5. Ninia Misa Kinta-feira dahuluk ho prizioneiru juvenil sira
Nia selebra nia misa Kinta-feira dahuluk iha prizaun juvenil ida iha Roma, no bandu mídia sira atu tuir, no husu atu misa ne’e sai privadu.
6. La hela iha Palásiu Papal
Durante nia pontifikadu, Amu-Papa Francisco hela iha Santa Marta nia uma (Casa Santa Marta) ho funsionáriu sira Vatikanu nian, envezde hela iha Palásiu Papal baibain, Italia, 2019
Fonte: Kompas.com
loading="lazy" />