G-NEWS (DILI) — Governu da-sia, loke ona formuláriu ho lian Tetun, Portugés no Ingles ba Jornalista nasionál no internasionál sira ne’ebé hakarak atu halo kobertura ba vizita Apostólika Papa Francisco nian, entre loron 9 to’o 11 fulan-Setembru tinan 2024.
Informasaun ne’e, G-NEWS asesu liuhosi komunikadu Imprensa, iha sesta-feira (19072024).
Formuláriu akreditasaun ba jornalista sira ne’e, husu ba Jornalista sira ne’ebé iha interese tenke prenxe, to’o loron 16 fulan Agostu tinan 2024, liuhosi online, ne’ebé disponivel iha Portál Governu nian.
Liuhosi komunikadu imprensa, formuláriu akreditasaun ne’e, sei akompaña ho dokumentu sira importante hanesan fotográfia isin-lolon metade, fotokopia Passaporte, no fotokopia Karteira Profesional, ne’ebé atribuii hosi Konsellu Imprensa Timor Leste.
Iha komunikadu ne’ebé G-NEWS asesu, bainhira ekipa sekretáriadu simu tiha pedidu sira, ekipa sei verifika detallu ba dadus no dokumentu sira ne’ebé hatama ona, inklui autentisidade informasaun ne’ebé hato’o ona.
“Tanba limitasaun espasu iha eventu oioin iha programa vizita papal nian, bele iha restrisaun ba númeru jornalista sira ne’ebé akreditadu ba eventu ida-idak”, haktuir iha komunikadu (16072024).
Editór Testu : Amito Qonusere Araújo
loading="lazy" />