G—NEWS (ESPAÑA) — Jogador maun alin husi Portugal, ho naran Diogo José Teixeira da Silva konesidu Diogo Jota (28), no nia alin André Silva (26), mate ho asidente karreta Ahi Han iha provínsia España Zamora (Castilla y León) iha Kinta-feira (03/07/2025)
Tuir informasaun nebe G-News Asesu iha Ajénsia notísia españól EFE liu husi imprensa españól katak asidente nee akontese kuaze kilómetru 55 fronteira ho Portugál bainhira la’o ba diresaun sidade Benavente maibe too iha area Cernadilla, iha provínsia Zamora hetan asidente tamba karreta halai sai hosi auto-estrada Rías Bajas (A52), no hetan Lamborghini Aventador sofre pneu ida ne’ebé nakfera bainhira ultrapasa ba karreta seluk.
Servisu médiku sira iha fatin akontesimentu konfirma mate hosi okupante na’in rua hosi veíkulu. Tuir governu provinsiál Zamora nian, mate-isin hosi okupante na’in rua hosi karreta ne’e Ahi han motuk. no Polísia investiga hela kauza sira no hateten ona katak laiha veíkulu seluk ne’ebé envolve.
Karreira Desportu
Jota hahú nia kareira profisionál iha Paços de Ferreira iha tinan 2014, hafoin progresa liuhosi akademia Gondomar no Paços. Nia marka golu 14 iha jogu 41 iha Liga, no nia dezempeñu sira atrai atensaun hosi klube sira Europa nian.molok kontrata ba klube La Liga Atlético Madrid iha tinan 2016 hamutuk ho nia primu Ronaldo. Hafoin époka rua iha Primeira Liga, nia hetan empresta tuituir malu ba klube Primeira Liga FC Porto iha 2016 no klube Kampeonatu Inglés Wolverhampton Wanderers iha 2017.
Jota reprezenta ona Portugál iha nível sub-19, sub-21 no sub-23. Nia halo nia estreia internasionál senior iha fulan-Novembru 2019 no sai membru ida hosi ekipa sira ne’ebé kompete iha UEFA Euro 2020 no 2024. Nia mós manán Liga Nasaun sira UEFA nian iha 2019 no 2025.
Iha loron 19 fulan-setembru tinan 2020, Jota tama iha Liverpool F.C. ho taxa ida besik £41 milloens. Nia sai hanesan xave ida iha atake ekipa nian hamutuk ho Mohamed Salah no Sadio Mané. Durante nia tempu iha Liverpool, nia marka golu 65 iha jogu 182 iha kompetisaun hotu-hotu no manán Liga Inglesa, FA Cup no EFL Cup.
Jota koñesidu hanesan avansadu ida ne’ebé áxil, lalais ho remata ne’ebé maka’as. Nia bele joga iha pozisaun atake oioin, hanesan avansadu prinsipál, avansadu daruak, ka ala.
Aleinde ne’e, nia iha abilidade dribling ne’ebé di’ak, intelijénsia iha espasu leitura, no kontribuisaun defeza ne’ebé aas, halo nia sai jogadór ida ne’ebé útil tebes iha eskema gegenpressing Liverpool nian.
Entretantu Jota kaben ona ho Rute Cardoso, inan ba nia oan na’in tolu feto Ida No Mane rua, foin loron 10 liubá, deskreve nia-an hanesan mane ne’ebé sorte liu iha mundu hodi sai nia la’en. Nia fahe ona filmajen sira ne’ebé maka movimenta hosi sira nia loron kazamentu nian iha nia post ikus iha Instagram iha loron-kuarta loraik. Maibe Iha loron 3 fulan-Jullu tinan 2025 maizumenus tuku 00:40 CEST, Marca fó sai katak Jota mate ho idade 28 hamutuk ho nia Alin Andre Silva ho tinan 25, ne’ebé mós jogadór futeból profisionál, no joga iha Liga Portseu iha asidente karreta nian iha munisípiu Cernadilla.
loading="lazy" />