G-NEWS (ZUMALAI) – Sábadu (04112023), komunidade Suku Ucecai postu Zumalai Munisípiu Covalima, rejeita deklarasaun Komamdante Polísia Munisípiu Bobonaro Superintendente Xefe António Maria de Sá, relasiona kazu ta’a malu, iha ne’ebé oan no aman taa nia mane foun, iha Suku Ucecai postu Zumalai, munisípiu Covalima.
Tuir karta komunikadu ne’ebé G-News asesu, sábadu (04112023) hosi populasaun sira iha Suku Ucecai postu Zumalai katak, tuir loloos, insidente ne’e, akontese, pertense iha Polo munisípiu Bobonaro.
“Relasiona ho Komandante Munisipiu Bobonaro fó sai ba média G-News iha loron Sexta-feira, 03/11/2023, kona-ba akontesimentu ta’a malu iha loron 02/11/2023, iha Polo/Munisipiu Bobonaro maka, ami komunidade Suku Ucecai, Postu Administrativu Zumalai no Munisipiu Covalima halo Konferénsia Imprensa ida ne’e hodi klarifika ba públiku katak, kazu refere akontese iha área baliza entre Polo/Munisipiu Bobonaro no Suku Ucecai/Munisipiu Covalima, nune’e, indivídu na’in rua ne’ebé ta’a malu ho identidade parténsia ba Polo Munisipiu Bobonaro la’os Suku Ucecai, Munisipiu Covalima”, tuir karta ne’ebé G-News simu.
Tuir deklarasaun komandante Polísia munisípiu Bobonaro katak, insidente ne’ebé akontese iha postu Bobonaro, hodi rejulta sunu uma populasaun, no sidadaun balun kanek todan no kaman, tanba inisíu hosi kazu taa malu, iha ne’ebé oan ho aman ta’a nia mane foun bainhira ba tau ai-funan iha loron matebian nian, iha suku Ucecai postu Zumalai munisípiu Covalima.
Nune’e, komunidade Ucecai postu Zumalai, munisípiu Covalima deklara katak, kazu ne’e akontese iha Polo Bobonaro.
“Ho ida ami husu ba públiku no mídia sira hotu atu labele lansa informasaun falsu ba públiku hodi suspeita ami nia Suku Ucecai, Postu Administrativu Zumalai Munisipiu Covalima nia naran foer”, Karta komunidadu ne’ebé G-News asssu.
To’o informasaun ne’e fó sai, G-News seidauk hetsn konfirmasaun hosi Komandante Polísia munisípiu Bobonaro Superintendente Xefe António Maria de Sá kona-ba ne’e.
Entertantu, situasaun seguransa dadauk ne’e iha postu Bobonaro munisípiu Bobonaro lao hakmatek, tanba autoridade seguransa estabelese ona postu seguransa, no Primeiru Ministru Kay Rala Xanana Gusmão tun direita ba fatin akontesimentu, hodj hala’o dialogu ho populasaun sira.
Jornalista : Ekipa G-News
Editór Testu : Amito Qonusere Araújo
loading="lazy" />