G—NEWS (DILI) — Parlamentu Nasionál, liu husi Komisaun D, ne’ebe trata asuntu Ekonomia no Dezenvolvimentu, lidera husi Prezidente Deputadu Ricardo Baptista ho membru Komisaun D, konklui ona diskusaun no votasaun iha Espesialidade ba Proposta Lei Nu. 19/VI (2a) konaba Lei Konkor Komisaun D Konklui Diskusaun no Aprova Lei Konkorénsia iha Espesialidade.
Parlamentu Nasionál, liu husi Komisaun D, ne’ebe trata asuntu Ekonomia no Dezenvolvimentu, lidera husi Prezidente Deputadu Ricardo Baptista ho membru Komisaun D, konklui ona diskusaun no votasaun iha Espesialidade ba Proposta Lei Nu. 19/VI (2a) konaba Lei Konkorénsia (Lei Kompetisaun) ho Ministru Transporte no Komunikasaun, Miguel M.G Manetelu ne’ebé reprezenta Ministeriu Komersiu no Industria ( ), akompaña husi Vise-Ministru MKI, Augusto Junior Trindade ho nia ekipa sira, iha loron 3 to’o loron 6 fulan fevereiru tinan 2026, iha sala IADE, Munisipiu Liquiçá.
Lei konkorénsia ne’e inisiativu Governu nian nu’udar marka importante ida iha sistema legál Timór-Leste nian, ho objetivu atu promove kooperasaun estadu nian iha konstrusaun merkadu kompetitivu, ekuitativu, no transparente ne’ebé hametin ekonomia nasionál, promove kooperasaun internasionál, no fó benefísiu ba sosiedade tomak, haburas fundasaun ekonómika sustentável, kontinua hadi’a kondisaun moris populasaun nian, no hasa’e moris di’ak konsumidór sira.
Iha diskusaun no aprovasaun espsialidade ba loron 3 ne’e, Deputadu sira hamosu preokupasaun liu husi diskusaun interativu ba artigu por artigu atu hetan esplikasaun detalhu husi parte Guvernu antes sira halo votasaun, ho hanoin ida katak lei ne’e tenki la’o diak iha implementasaun iha futuru.
Lei refere mai ho artigu 29 (rua nulu resin sia), no iha diskusaun Deputadu sira aprezenta Proposta alterasaun hamutuk 8 (walu) ho objetivu atu halo melhoramentu ba artigus balun ne’ebé necessita alterasaun.
Prezidente Komisaun D hatete katak, Tuir Planu, iha tempu badak , Lei refere komisaun sei submete ba Meza hodi halo aprovasaun final-global iha plenária antes haruka ba Prezidente Republika hodi halo promulgasaun.
loading="lazy" />