G-NEWS (DILI) — Durante auto-kuarentena no restrisaun ba atividade sira iha tempu pandemia virus corona, maioria ema uza teknolojia hodi hatán ba sira nia nesesidade loroloron nian. Buat hotu-hotu hosi ai-han to’o nesesidade ai-moruk nian hetan hosi kompras online.
Ai-han la’ós problema boot ida enkuantu protokolu saúde kompras ai-han online nian implementa. Maibé oinsá ho kompras ba ai-moruk online.
Situasaun ne’e akontese iha Indonézia, inklui mós Timor Leste, ne’ebé sidadaun balun hala’o atividade negósiu faan ai-moruk online. Maske faan aimoruk online perigu ba ema nia moris, maibé sosa na’in sira la iha interese kona-ba konsekuênsia tanba normalmente bainhira atu konsume ai-moruk tenke hetan reseita hosi ekipa médiku sira, maibé ida ne’e diferente fali, tanba negósiu online la interese ho konsumedor sira nia kondisaun saúde, maibé importante sosa na’in sira tenke sosa maske ida ne’ebé faan laos ema espesialista médiku ninian.
Ajénsia Supervizaun Ai-han no Medikamentu (BPOM) liuhosi livru matadalan “All Covid-19” fó avizu kona-ba risku sira hosi kompras ba ai-moruk sira online. Tuir BPOM, risku sira hosi sosa ai-moruk online pelumenus fahe ba buat tolu.
- Fa’an-na’in nia identidade la klaru nune’e laiha garantia ba seguransa no kualidade ai-moruk nian. Bele mós katak ai-moruk ne’ebé ita-boot sosa ne’e ilegál ka falsu.
- Iha risku atu hetan ai-moruk ne’ebé estraga ka kaduka ona
- Labele hetan informasaun kona-ba utilizasaun no efeitu sekundáriu sira hosi ai-moruk sira hosi pesoál farmaséutiku sira.
Tanba ne’e maka BPOM halibur matadalan ida kona-ba oinsá atu hetan ai-moruk ho seguru. Etapa oioin ne’ebé bele foti inklui sosa ai-moruk iha servisu saúde ofisiál ka farmásia no uza médiku nia reseita.
Buat báziku ne’ebé importante mós atu hanoin, molok sosa no konsume buat ruma, bele ai-moruk ka ai-han, verifika embalajen, rótulu, lisensa distribuisaun no informasaun kona-ba vensimentu.
Tuir observasaun G-NEWS, sidadaun balun ne’ebé faan aimoruk iha negósiu online hanesan ai-moruk herbal, aimoruk hasae isin, no aimoruk seluk-tán ne’ebé bele kura moras iha momentu ne’ebé ema presiza tebes.
Atividade faan ai-moruk online, faan na’in sira halo promosaun liuhosi postajen iha Facebook, ne’ebé insere kedan ho númeru kontaktu, maibé ho identidade facebook laos ho naran orijinal, ne’ebé fahe ba grupu barak iha sosiál mídia.
Fontes : CNN Indonesia
Editór Testu : Amito Qonusere Araújo
loading="lazy" />