G—NEWS (DILI) — Tomas, membru Polísia Nasionál Timor-Leste (PNTL) husi Korpu Seguransa Pesoal (CSP) hetan kanek todan, hafoin hetan sona iha área Vila-Verde, munisípiu Dili, kinta-feira (20112025) ohin dadeer.
Akontesimentu ne’e autoridade sira atende kedas, no vítima lori lalais ba Ospitál Nasionál Guido Valadares (HNGV) hodi hetan kuidadu intensivu. Pesoál médiku sira relata katak Tomas nia kondisaun sei krítiku.
Tuir informasaun inisiál, indivídu na’in lima maka deskonfia envolve iha atake ne’e. Autór prinsipál hirak hosi sona ne’e hetan ona kapturasaun, no oras ne’e daudaun, kazu ne’e kaer hela hosi PNTL Eskuadra Vera-Cruz.
Polisia Eskuadra Vera-Cruz agora daudaun halibur hela deklarasaun hosi sasin sira. Polísia Nasionál (PNTL) seidauk fó sai deklarasaun ofisiál relasiona ho motivu atake ne’e, maibé investigasaun la’o hela atu garante autór sira responsabiliza tuir lei.
loading="lazy" />