G-NEWS (DILI) – Tribinál Distrital Dili (TDD), segunda-feira (18092203) lorok-raik ne’e, sei hala’o julgamentu ba membru Polísia ida hosi Batalliaun Ordem Públika (BOP) ne’ebé tiru sidadaun ida iha área Bidau, Sábadu (16092023), iha tuku-3 madruga foin lalais ne’e, iha uma Bidau Akadiruhun, Besik Eskola Paulo-VI.
Bainhira kazu ne’e akontese, ekipa investigasaun hosi autoridade seguransa asegura kedan suspeitu, no kontinua detein iha sela detensaun, hodi kumpri oras-72, hafoin prosesa tuir dalan legal.
Tuir informasaun ne’ebé G-News rekolla katak, vítima ba kazu ne’e, sei iha relasaun família ho membru Polísia hosi BOP. Alende ne’e, família husi parte rua ne’e husu atu rezolve tuir dalan família nian.
Hafoin kumpre tiha iha sela detensaun, suspeitu ba kazu ne’e sei tuir prosesu julgamentu iha Tribunál Distrital Dili (TDD), iha tuku-4 lorokraik oras Timor Leste.
Informasaun kompleta, kontinua akompaña reportájen hosi Ekipa Mídia G-News nian.
Jornalista : Ekipa G-News
Editór Testu : Amito Qonusere Araújo
loading="lazy" />