G-NEWS (DILI) – Autoridade Seguransa, Polísia Nasionál Timor-Leste (PNTL) husi Diresaun Servisu Investigasaun Kriminál (DSIK) ho Servisu Migrasaun Timor-Leste halo operasaun konjunta asegura labarik feto nain-6 iha otel balun lokaliza iha Dili laran fasilita Pratika Explorasaun seksual ba labarik Minoridade.
Porta Vos Polisia Nasionál Timor-Leste (PNTL) Superintendente Xefe Polisia João Belo dos Reis informa bazeia informasaun ne’ebé PNTL simu iha loron 30/06 tuku 09:00 kalan, autoridade seguransa forma ekipa iha kompostu husi Diresaun Servisu Investigasaun Kriminál (DSIK) ho Servisu Migrasaun Timor-Leste halo operasaun konjunta ba Otel balun iha Dili laran fasilita labarik feton nain-6 halo aktividade prostituisaun Infantil pratika explorasaun seksual ba labarik minoridade.
“Iha operasaun konjunta ne’e ita asegura labarik nain-6 ne’ebé otel balun fasilita sira halo aktividade prostituisaun Infantil pratika explorasaun seksual ba labarik minoridade, transporta kedan mai iha edifisiu Kuartel Jeral PNTL halo indentifikasaun komunika ba kedan ho familia sira entrega fila ba uma hodi hein prosesu tuir mai,” informa Porta Voz PNTL ba jornalista sira iha sala konferensia kuartel Jerál PNTL Caicoli.
Porta vos PNTL ne’e esplika, bainhira asegura tiha labarik feto nain-6 ne’e, ekipa konjunta mos bolu kedas nain ba Otel no traballador sira hamutuk ho bainaka sira ne’ebé ba vizita iha otel no hodi halo indentifikasaun.
“Otel nain no traballador sira ne’e iha halo hotu ona identifikasaun ba sira, dadaun ne’e ekipa prepara hela relatoriu auto notisia atu aprezenta ba Ministeriu Publiku (MP) kontinua halo prosesu tuir lei ne’ebé vigora iha Timor-Leste,” afirma Porta vos PNTL.
Ligadu ho kazu prostituisaun Infantil pratika explorasaun seksual ba labarik minoridade ne’e Polísia Nasionál Timor-Leste (PNTL) husu ba públiku inan, aman tenki sai edukador di’ak kontrola oan sira movimentu oras tama no sai husi uma, nune’e sira labele sai vitima ba grupu balun ne’ebé ho intensaun la diak halo explorasaun seksual ba labarik feto sira ne’ebé ho idade minoridade.
“Ligadu ho kazu ne’e hanesan autoridade seguransa PNTL husu bai nan-aman tenki sai edukador di’ak kontrola oan sira movimentu oras tama no sai husi uma, nune’e sira labele sai vitima ba grupu balun ne’ebé ho intensaun la diak halo explorasaun seksual ba labarik feto ho idade minoridade,” hakotu Porta Vos PNTL.
loading="lazy" />