G—NEWS (DILI) — Prezidente Repúblika, J. Ramos-Horta, entrega kadeira roda ida ba alin feto Eviana Octaviana Martins ho idade tinan (9), defisiénsia físiku, hela iha Aldeia 30 Agostu, Suku Comoro. Apoiu ne’e parte husi aktu solidariedade husi prezidénsia nian ba família refere, hafoin informasaun kona-ba Eviana nia kondisaun publika liu husi Jornal Independente iha semana kotuk liu ba.
Eviana ho maun alin nain-4, entre sira Eviana mesak deit mak ho kondisaun Defisiénsia fíziku desde nia moris mai, sira hotu hela ho inan/aman. Eviana nia pai Julito Martins nuudar badaen uma (buru kasar) osan ne’ebé nia hetan mak harii fali kios kiik ida ho medida 4×6, mesmu ne’e sai mos sira nia uma rasik. Kios ne’e besik los estrada Prinsipal iha Comoro.
Nia inan Fernanda Fernandes konta katak durante tempu barak Eviana latan deit nia isin iha kulsaun ne’ebé nahe iha sementi leten no difisil ba nia atu tuur ka nia hodi la’o, família presija kadeira roda ida atu nia bele movel.
Hafoin Informadu ne’e to’o ba Prezidente Ramos-Horta no Prezidente toma inisiativa tuun direta ba haree família ne’e nia kondisaun moris no foti medida atu ajuda kedas.
Prezidente orienta ekipa Unidade Apoiu Sosiál (SSAS) Prezidénsia Repúblika nian hodi prepara kadeira roda ida no ajuda nesesidade bázika hanesan fos, mina, manu-tolun hodi sustenta ba tempu badak tuir mai.
Koordenadora Unidade Apoiu Sosiál, Teresa dos Santos Ximenes, hateten katak prezidente hare direta situasaun moris família ne’e no halo dezizaun atu ajuda tan.
“Kondisaun uma ne’e ladun konfortavel ba família ne’e, Prezidente hateten atu ajuda rehabilita uma ne’e tanba uma ne’e kiik, laiha anin fresku no rai manas tebes. Ami sei koordena ho autoridade lokál atu prepara proposta ajuda tan iha tinan ida ne’e ou tinan oinoin,” Esplika Teresa Ximenes.
Inan Fernanda hatete nia sentidu kontenti no agradese ba Prezidente Ramos-Horta nia jestaun humanitáriu:
“Agora nia bele tuur ho kadeira roda ne’e. Ha’u sente kontenti tebes, ha’u nia domin no hakuak bo’ot ba Prezidente.”
Parte husi autoridade lokál, Xefe Suku Comoro, Eligio J. da S. M., mos agradese ba Prezidente nia vizita:
Apoiu ne’e hatudu konxiensia Solidariedade Prezidente nian ba sidadaun sira ne’ebé iha difikuldade no mos motiva autoridade lokál atu kontinua koopera hamutuk ho Governu liu-liu Ministériu relevante ba benefiziu komunidade vulnerável sira nian.
loading="lazy" />