G—NEWS (TURISCAI) — Prezidente Repúblika, José Ramos-Horta vizita Binani, iha Turiscai, munisípiu Manufahi, fatin istóriku hanesan erói Nasionál Nicolau dos Reis Lobato nia destinasaun ikus ba rezisténsia.
Iha deslokasaun ne’ebé eskreve hanesan “kompromisu pesoál” ne’ebé klean, Xefe Estadu fó omenajen no aprezenta vizaun ida ba Transformasaun husi espasu ne’e.
Prezidente Ramos-Horta hato’o ninia intensaun hodi transforma área ne’e ba “fatin sagradu”, memoriál nasionál ida ne’ebé dignu kompleta ho jardín simbóliku no infraestrutura ho kualidade.
Objetivu atu garante katak rai ne’ebé aman fundadór asaun nian ida monu ba sei onradu iha asesu ba timoroan tomak no vizitante internasionál sira.
Iha okaziaun Xefe Estadu trasa planu dezenvolvimentu abranjente ida, ne’ebé buka atu iha balansu ba prezervasaun istórika ho benefísiu ne’ebé sustentável ba komunidade lokál. Vizaun inklui konstrusaun ba uma tradisionál ida, kampu akampamentu, no fornesimentu ba bee, saneamentu, no eletrisidade.
Aleinde harii espasu ida ba memória no reflesaun, inisiativa ida-ne’e mós atu estimula ekonomia lokál, halo Binani sai referénsia ida ba turizmu istóriku no Kultura nasaun nian.
Rekoñese dezafiu atuál sira, Prezidente Ramos-Horta apelu ba governu atu inklui reabilitasaun ba estrada sira iha Orsamentu Jerál Estadu 2026, hodi subliña katak infraestrutura loloos maka fundamentál atu valoriza fatin ne’e no konkretiza nia potensiál tomak.
Prezidente reafirma nia administrasaun nia kompromisu metin hodi asegura repatriasaun restu mortál Nicolau Lobato nian hosi Indonézia. Xefe Estadu fó sai konvesasaun sira ne’ebé kleur ona mantein ho líder indonéziu sira ne’ebé liu ona no iha esperansa katak asuntu ne’e bele rezolve durante mandatu hosi Prezidente-eleitu Prabowo Subianto, Prezidente subliña signifikadu istóriku no simbóliku katak jestu ida ne’e reprezenta amizade entre povu nasain rua nian.
loading="lazy" />