G-NEWS (RAEOA) — Prezidente Repúblika José Ramos Horta husu atu labele haluha dezenvolvimentu dezenvolvimentu infraestrutura bázika esensiál iha fronteira Bobonaro, Covalima no Oé-Cusse Ambeno nian, liuliu iha área sira ne’ebé izoladu liu, hanesan suku no postu administrativu sira.
Xefe Estadu ko’alia lia hirak ne’e, liu husi diskursu ofisial ba loron Proklamasaun Indendénsia 28 Novembru, ba dala 49, ne’ebé realiza iha Ambeno-Oecusse
“Felizmente, tanba apoiu husi Uniaun Europeia, ita harii Ospitál Referénsia sira iha Maubisse, Maliana, Suai no Pante Makassar”, PR ko’alia iha nia diskursu.
Maski nune’e, Xefe Estadu ne’e dehan tán, kuaze tinan ruanulu liutiha, estabelesimentu saúde sira presiza urjentemente ho investimentu foun, tantu iha infraestrutura no mós iha ekipamentu no formasaun rekursu umanu nian. “Investimentu sira-ne’e krítiku no tenke aloka iha Orsamentu Jerál Estadu, nune’e bele garante katak, sira kontinua oferese servisu esensiál ba ita-nia populasaun”.
José Ramos Horta subliña tán, aleinde ne’e, imperativu atu halo investimentu urjente iha unidade hotu-hotu sistema saúde úniku, ho énfaze ba hadi’a jestaun ospitál, ho objetivu atu hadi’a kualidade, efikásia no efisiénsia servisu sira ne’ebé fornese. Esforsu ida ne’e fundamentál ba koezaun nasionál, liuliu iha área periférika fronteira nian, ne’ebé sente distánsia husi podér sentrál.
Prezidente Repúblika mós mensiona kona-ba setór Edukasaun tanba ne’e mós ezije atensaun.
“Ita presiza hadi’a kond- isaun ensinu no aprendizajen, ho foku foun ba rede ensinu pré-primáriu, báziku, sekundáriu no tékniku-vokasionál. Ida-ne’e sei la loke de’it oportunidade foun sira, maibé sei ajuda mós prevene ézodu deskontroladu hosi joven sira hodi buka perspetiva sira ne’ebé di’ak liu, tantu ba kapitál ka ba rai-li’ur”.
Editor Testu: Amito Qonusere Araújo
loading="lazy" />