G-NEWS (DILI) – Tersa-feira (09012024) semana ne’e, António da Conceição hasoru malu ho dirijente sira iha Ministériu Negósiu Estranjeiru no Kooperasaun (MNEK), antes desloka ba Jakarta, Indonézia hodi hala’o misaun Diplomátika.
António da Conceição, nomeia hosi Prezidente Repúblika José Ramos Horta, sai Embaixador Timor Leste ba Indonézia hodi substitui Filomeno Aleixo da Cruz, ne’ebé simu ona pose iha tersa-feira (12122023).
Antes ne’e, António da Conceição, hanesan Deputadu Parlamentu Nasional, nu’udar Prezidente Bankada Demokrátiku.
Entertantu, iha segunda-feira (08012024), Tribunál Judisial Primeira Instánsia liuhosi akordaun Juiz ne’ebé kaer prosesu Ivan Suritai, deside pena efetivu tinan lima ba arguido Antigu Ministru Komersiu Industria, atual Embaixador Timor Leste ba Indonézia António da Conceição, ba krime ba partisipasaun ekonómia no negósiu, ne’ebé previstu iha artigu 279 númeru 2 hosi KPTL.
Pena efetivu ne’e tanba iha julgamentu, faktu sira prova katak, arguido komete krime ne’ebé Ministériu Públiku imputa ba arguido iha nia akuzasaun.
Embaixadór Timor-Leste na’in-neen ne’ebé simu posse hodi hala’o misaun diplomátika mak hanesan Dionísio da Costa Babo Soares hanesan Embaixadór Timor-Leste ba misaun permanente iha Nasoens Unidas, António da Conceição Embaixadór Timor-Leste bá Repúblika Indonézia, Maria Angela Guterres Viegas Carascalão Embaixadóra Timor-Leste bá Repúblika Federativa Brazil, Filomeno Aleixo da Cruz Embaixadór Timor-Leste bá Repúblika Populár Laos, Chole Dindo Embaixadora Timor-Leste bá Estadu Sidade Vaticano no Alexandre Vital da Cruz Araújo Embaixadór Timor-Leste bá Repúblika Singapura.
Jornalista : Ekipa G-News
Editór Testu : Amito Qonusere Araújo
loading="lazy" />