G-NEWS (DILI) – Prezidente Ajênsia de Notícias Timor Leste (TATOLI.IP) Manuel Pinto hateten, to’o oras ne’e sira nia produtu Jurnalistika la iha kualidade.
Líderansa másimu Ajênsia TATOLI.IP esplika kestaun ne’e, bainhira aprezenta planu media Estatal nian, iha Konsultasaun Planu Estratéjia SEKOMS 2024-2028 ho Parseiru Dezenvolvimentu Setór Komunikasaun Sosiál, ne’ebé hala’o iha Salaun Delta Nova, Dili, Kuarta-Feira (09082023) semana ne’e.
“Ha’u rekonhese katak, to’o oras ne’e notísia sira hosi TATOLI.IP la iha kualidade, Ha’u rekonhese ida ne’e”, hateten Manuel Pinto, iha nia aprezentasaun.
Nia hatutan tán, TATOLI.IP seidauk bele sai referénsia ba midia sira iha informasaun sira nian.
Ajênsia TATOLI.IP nu’udar ofisiál Estadu Timor Leste nian. Ezistésia TATOLI.IP maihosi inisiativa Sekretáriu Estady Komunikasaun Sosiál (SEKOMS) 2012-2017 nu’udar transformasaun hosi ETNA (East Timor News Agency), depois nakfilak ba ANTIL (Ajênsia Notisioza Timor Leste).
Objetivu estabelese ajênsia TATOLI.IP sai fontes informasaun ofisiál Estadu Timor Leste ne’ebé iha kapasidade no kbi’it elabora produtu informasaun no notísia ne’ebé nesesita hosi Públiku utilizadór informasau iha eskala nasionál, rejionál, no internasionál bazeia ba natureza no karaktéristika, rapidez no rigór, maibé labele ignora no regiroza hanesan akurasia, rigór, independente, inzenta, klareza, no nafatin iha integridade nomós kredibilidade.
Konsultasaun Planu Estratéjia SEKOMS 2024-2028 ho Parseiru Dezenvolvimentu Setór Komunikasaun Sosiál, hosi Mídos Estatal, Asosiasaun Jornalista, Na’in ba Mídia, Rádiu Komunidade no Sentru Informasaun Suku.
Jornalista : Ekipa G-News
Editór Testu : Amito Qonusere Araújo
loading="lazy" />