G-NEWS (ERMERA) — Eskola Ensinu Bázika Filial númeru 238 Tata-Mailau-Leo-Basa, iha suku Lauana, Postu Administrativu Letefoho Ermera katak, iha kada loron Sabadu, profesór sira tenke obriga estudante ida-idak ba kuru bee moos massa litru lima kada ema ida.
Estudante Ester Deus hanesan Ema ho Difiséinsia Matan hatete, kada loron sabadu, profesór sira obrigada sira tenke ba kuru bee ho distánsia liu kilometru ida.
“Ami iha loron Sabado-Sabado ami tenke ba kuru bee, tanba ida-ne’e profesór mak haruka ne’e obrigatóriu, depois distansia husi eskola ba bee matan distansia kilometru 1 liu,”dehan Ester Deus ba Jornalista sira iha Eskola Filial Tata-Mailau-Leo-Basa, iha aldeia Leobasa, suku Lauana, Kuarta (20/11).
Nia dehan, la’ós estudante de’it mak lori bee maibé profesór sira mós tenke lori hotu kada ema ida tenke lori masa id,a atu bele uza ba merenda eskolar ho haris fatin.
“La’ós ami de’it mak lori bee, maibé profesór sira mós lori, no estudante sira kada ema na’in ida masa ida, atu nune’e bele utiliza ba hodi tein merenda eskolar no tau ba haris fatin,”nia dehan.
Hatan ba asuntu ne’e, Koordenadór Ensinu Báziku No 238 Filla Tata-Mailau-Leo-Basa Domingo Soares informa, no rekoñese kona-ba ne’e, eskola rasik mak kria regras.
“Atu nune’e bee ense ba haris fatin no uza ba tein merenda eskola, durante semana ida nia laran to’o Sabado mak kuru fali nune’e bele uza ba merda ninian no ba haris fatin, se estudante sira mak la kuru no haris fatin ne’e fo’er los, entau obrigatóriu haruka labarik sira tenke kuru bee kada Sabado,” “nia Kordenadór Eskola Tata-Mailau-Leo-Basa.
Nia dehan, kada labarik ida masa letru lima ne’e ida, atu nune’e bele uza ida ezije husi eskola tanba iha ne’e difikuldade ne’ebé mak eskola enfrenta bee mós.
“Distansia husi bee matan mai eskola la to’o satu kilo, bee mós iha fali karik eskola lokaliza fali leten, tanba ne’e bee ne’e la sa’e, karik sira la ba kuru ita bolu komunidade sira lori bee mós mai,ne’e ita tenke selu fali tanba ida ne’e mak ami kria regras ida-ne’e atu bele uza ba semana ida.
Nia informa nudar profesór tuir lolos ida ne’e kontra regras maibé ida ne’e mak situasaun ne’ebé mak Akontese iha ne’e.
“Tuir lolos ami la bele obriga labarik sira ne’e, ida ne’e ami kontra regras, maibé ida ne’e obrigatóriu se eskola iha haris fatin bee la iha ne’e problema boot, karik loron -loron mak nia simu ai-han husi merenda eskola depois nia atu soe bee boot ne’e nia atu ba ne’ebé, entau ida ne’e maneira ne’ebé mak ami uza para hodi halo maibé la’ós ba labarik hotu lae sira ne’ebé mak kiik ami dehan la bele,” nia informa.
Nia afirma kona ba regras ne’ebé mak eskola kria ne’e kontra duni regras se bee mak iha de’it eskola la uza maneira ida atu halo.
“kona ba regras ami kontra duni, se bee mak iha mak halo hanesan ami kontra regras, mais bee la iha pasiénsia ami obriga atu halo hanesan ne’e kona ba bee ami tenke halo hanesan ne’e,depois ami haree sira ida ki’ik la foti maibé ida boot sira ne’e obrigatóriu.
Iha biban ne’e mós Xefe Aldeia Leobasa Alfredo Maia Pires rekoñese problema kona-ba bee moos ne’ebé mak eskola ka aldeia Leobasa, entaun eskola ho Komunidade kria inisiativa ida ne’e hodi bele uza ba nesesidade no mós tau ba haris fatin.
“Hanesan Autoridade sente triste tanba bee la iha, tuir lei dehan katak estudante sira la bele lori bee no labele obriga entaun bee susar entaun ida-ne’e obrigatóriu tanba sira mós iha sentina ka uza ba tein merda eskola, ne’ebé mestre mós lori hotu tanba ida ne’e hetan konkordansia husi parte inan aman no Autoridade lokál ho parte eskola nia” dehan Xefe Aldeia Leobasa Alfredo Maia Pires.
Entretantu Ensinu Báziku Fillha no 238 Lokaliza iha Aldeia Leobasa,Suku Lauana, Postu Administrativu Letefoho, Munisípiu Ermera ne’ebé totál Estudante hamutuk 189 ho profesór na’in hitu.
Jornalista : Domingos Moreira
Editór Testu : Amito Qonusere Araújo
loading="lazy" />