G—NEWS (BAUCAU) — Prezidente Komisaun Rekrutamentu aktual Segundu Komandante Jeral PNTL Komisariu Policia Pedro Belo hateten, iha rekrutamentu ne’e nia parte garante Ekipa Rekrutentu sei la uza sistema familiarizmu no hare ba kor tamba uza sistema eleminasaun bainhira kadetes foun nia altura lato’o elimana kedas molok foti formulariu, kestaun ne’e hato’o bainhira hala’o vizita ba komando PNTL Munisipiu Baucau, hodi Observa Direita ba ekipa rekrutamentu ne’ebe fahe formulariu ba kadetes foun iha Munisipiu Baucau.
Komisariu Pedro Belo rekoñese rekrutamentu ba agente policia iha loron primeiru fahe formulariu mosu faillansu iha atendimentu.
“Iha primeiru dia ita sempre iha faillansu balun ba atendimentu nian, dala ruma foufoun tama mai ema barak demais entaun ita la halo mekanisme ne’ebe diak ema barak hadau malu fatin, sena malu hakarak lalais, maibe dia de seguintes ita observa katak mekanizmu mos sira komesa lao tuir no forma diak hodi lao tuir regras no kriteria ne’ebe iha”. Dehan Komisariu Pedro Belo Quinta 07/08/2025.
Pedro Belo apela ba joven sira ne’ebe idade 18 to’o idade 23 prepara an didiak hodi partisipa iha Rekrutamentu Agente policia foun, tamba oportunidade diak ba joven sira.
“Ami avizu katak rekrutamentu ida ne’e ba PNTL iha tinan barak ona foin mak hahu fali tamba ne’e mak oportunidade ba joven sira ho idade 18 to’o 23 hakbesik an ba komando policia ne’ebe besik para ba koko sorte iha ne’eba, se mak hatene tamba sira ne’ebe durante ne’e mehi atu sai PNTL to’o ona tempu para sira hakbesik an hodi compete, labele hanoin ita nia inan aman laos veteranu no policia maibe kouta ne’e fahe tiha ona iha oportunidade jeral nian”. Hateten Pedro Belo.
Durante loron rua nia laran komando PNTL Munisipiu Baucau fahe ona formulariu ba joven hamutuk 515 ba kadetes foun, enkuantu Joven ne’ebe la liu iha teste Altura hamutuk 240.
loading="lazy" />