G-NEWS (LAÚTEM) – Governu Konstitusional da-sia liuhusi Sekretaria Estadu Komunikasaun Sosiál (SEKOMS) kolabora ho parseiru internasional Child Found Timor-Leste implementa programa hanaran Jornal Parede Dijital ba eskola sekundáriu jeral no tékniku vokasional iha territóriu.
Iha loron Kinta, (05/06/2025), Sekretáriu Estadu Komunikasaun Sosiál, Expedito Loro Dias Ximenes hamutuk ho Diretora Child Fund, Alzira Dos Reis akompaña husi manorin no estudante sira lansa programa ne’e iha Eskola Sekundáriu Jerál Nino Konis Santana, Eskola Sekundária Jerál Lere Anan Timur, Eskola Sekundária téknika vokasionál númeru 1 no númeru 2 Lospalos no eskola Tékniku Agríkola Don Bosco Fuiloro, iha Salaun ONG Lokal Fraterna, Lospalos Villa, Munisípiu Lautem.
Iha ámbitu serimónia lansamentu ne’e, Sekretáriu Estadu Komunikasaun Sosiál subliña, programa jornál parede dijitál bele fasilita estudante no professor sira públika informasaun sira kona-ba eskola, atividade no informasaun sira kona-ba edukasaun no assuntu sira seluk.
SEKOMS hamutuk ho Child Fund no parseiru sira seluk sei hala’o programa ne’e iha eskola sira hotu ho intensaun promove literásia dijitál atu estudante sira buka aprende iha kontestu oi-oin hodi hasa’e koñesimentu no kreatividade estudante nian iha eskola.
“Ida ne’e ita koalia literásia dijital oinsa mak ita atu aprende dijitál liga ho jornal parede dijitál ne’ebe ita lansa dadaun ba eskola lima iha Lospalos no sei kontinua ba eskola sira hotu iha Timor laran,” governante ne’e hatete.
loading="lazy" />