G-NEWS (BOBONARO) — Komandu Polísia munisípiu Bobonaro hamutuk ho Unidade Patrullamentu Fronteira (UPF) hala’o operasaun rutina no empreñamentu operasaun nian, entre loron 10 to’o 19 fulan Jullu tinan 2024.
Hosi operasaun ne’e, Komandu Polísia Bobonaro no UPF kaptura timoroan ne’ebé atravessa ho illegalmente liña fronteira Terrestre entre Timor Leste ho Indonézia, hodi partisipa serimónia graduasau, sai membru ba OAM Persaudaraan Setia Hati Terate (PSHT) iha Kupaun, NTT Indonézia.
UPF Oecusse kaptura timoroan na’in-19 fila hosi Indonézia ho illegal
Tuir dadus ne’ebé G-NEWS asesu, liuhosi fontes konfiável seguransa ninian informa, sesta-feira (19072024) katak, operasaun ne’e konsege kaptura sidadaun na’in-44 ne’ebe kontra ordenamentu territorial, pasa fronteira illegal, pratika artes marsiais ne’ebé kontra rezolusaun governo nian. Nu’udar ajente polisia, medidas prosesuais sira hodi halo termu entrega sidadaun sira ne’e ba Komandu Polísia Munisipiu Bobonaro, hodi prosesa tuir lei ne’ebé iha.
Apezar númeru ne’ebé mensiona, autoridade Polísia Bobonaro no UPF mós kaptura sidadaun na’in-2 seluk iha área Memo Maliana, ne’ebé fila hosi Indonesia, no tuir mós graduasaun Arte Marsiais, ho dalan illegal.
Seidauk serteja reativa atividade GAM
Medida sira ne’ebé Polísia halo hasoru sidadaun hirak ne’ebé hetan kapturasaun tanba illegalmente ultra-passa liña fronteira mak hanesan, rekolla no halo identifikasaun, halo Auto Polisial, depois halo termu entrega ba Komandu Polísia munisipiu Bobonaro.
Tuir dadus, Komandu Polísia Munisípiu Bobonaro kaptura ba sidadaun sira ne’ebé des-obidiensia ba rezolusaun governu, no ordenamentu territorial Bobonaro, hamutuk na’in-46.
Editór Testu : Amito Qonusere Araújo
loading="lazy" />