G-NEWS (AFGANISTAUN) — Talibaun haruka mídia sira iha provínsia tolu iha Afeganistaun atu hapara hatudu imajen sira hosi kriatura moris ruma. Ida-ne’e maka movimentu drastiku ida ne’ebé maka hetan kondenasaun maka’as hosi jornalizmu no grupu sira liberdade sivíl nian.
Responsável Taliban nian ida hatete iha semana ne’e katak mídia estatál sira iha provínsia sira Takhar, Kandahar no Maidan Wardak husu ona atu hapara publika imajen sira hosi kriatura moris sira.
Peritu sira ne’ebé ko’alia ho VOA hatete katak, Talibaun mós hasoru malu ho mídia lokál sira no hatete katak regra sira aplika mós ba notísia sira ne’ebé sira halo kobertura.
Orden, ne’ebé halo parte iha lei foun moralidade nian, sei implementa iha nasaun tomak, haktuir hosi Saiful Islam Khyber, porta-vós hosi Ministériu Propagasaun Virtude no Prevensaun Visiu nian.
“Lei ne’e aplika ba Afganistaun tomak”, nia hatete ba ajénsia notísia franseza AFP.
Ministru Negósiu Estranjeiru rusu Sergey Lavrov no Ministru Negósiu Estranjeiru interinu hosi Movimentu Talibaun Afganistaun Amir Khan Muttaqi hamriik ba foto grupu ida molok hala’o konversa bilaterál sira iha Moskovu, Rúsia, Sesta, 4 Outubru 2024.
Porta-vós talibaun nian hatutan tan katak talibaun garante ba públiku katak hasai foto sira kriatura moris nian viola lei islámiku.
Bandu atu publika imajen sira ne’e halo parte iha lei ida ne’ebé foin aprova bazeia ba interpretasaun Talibaun nian kona-ba Izlaun.
Lei ne’e mós haruka ba mídia sira atu labele ridikuliza musulmanu sira ka viola lei islámiku, no limita liután direitu feto sira nian Ofisiál sira seidauk espesifika kastigu saida maka sei fó, maibé tuir regra ikus hosi Taliban, hosi tinan 1996 to’o 2001, ema sira bele tama prizaun tanba hatudu imajen sira husi kriatura moris sira.
ONU no grupu sira direitus umanus nian hatudu preokupasaun kona-ba lei moralidade nian, ho ONU ne’ebé bolu ida-ne’e hanesan “perspetiva deplorável” ba Afganistaun. Nia hatete katak lei ne’e impoin restrisaun maka’as ba liberdade pesoál no opresaun ba feto sira iha nasaun.
Jornalista : [ps/oras] (Voa Indonézia)
Editór Testu : Amito Qonusere Araújo
loading="lazy" />