G-NEWS (DILI/Washington, DC (Reuters) — Departamentu Justisa Estadus Unidus (EUA) fó sai, Sesta (11/10), katak soldadu Ezérsitu Estadus Unidus (EUA) ida hetan kondenasaun ba tinan 14 iha prizaun tanba tenta ajuda ISIS lansa emboskada mortál hasoru tropa EUA.
Departamentu Justisa nian hatete katak Cole Bridges, ne’ebé mós koñesidu hanesan Cole Gonzales ho tinan 24, sei kumpri mós tinan 10 libertasaun ho supervizaun hafoin nia sai hosi prizaun.
Bridges, ne’ebé kaer kargu privadu klase dahuluk nian iha momentu nia kaer, hetan akuzasaun iha 2021 tanba fornese “konsellu no orientasaun militár kona-ba oinsá atu oho soldadu sira seluk (amerikanu) ba indivíduu sira ne’ebé nia hanoin halo parte iha ISIS”, departamentu ne’e hatete .
Bridges rekoñese nia sala ba akuzasaun terorizmu nian iha Juñu 2023. Nia tama iha Ezérsitu EUA nian iha 2019.
Molok tama iha Ezérsitu norte-amerikanu, Departamentu Justisa hatete, nia hahú halo peskiza no lee propaganda online kona-ba “oinsá promove grupu jihadista sira no sira nia ideolojia violentu, no hahú hatudu nia apoiu ba ISIS no movimentu jihadista iha mídia sosiál sira”.
Fontes: VOA Indonézia [ft/pp]
loading="lazy" />