G-NEWS (DESPORTU) — Timor Leste U-19 hasoru Kambodia U-19 iha jogu dahuluk Grupu A Tasa AFF U-19 2024 Iha duelo iha Estádiu Gelora Bung Tomo, Timor Leste manan ho skor 3-2, iha Kambodia nia leten.
Kambodia joga ho di’ak iha inísiu jogu nian. Phea Sopheaktra nia ekipa kontrola bola ho di’ak tebes. Maski nune’e, Timor Leste hetan kontra-atake ida ne’ebé lais no perigozu.
Iha minutu 34, Timor Leste hatama golu hosi Vabio Canavaro nia suta ho distánsia dook. Golu ida-ne’e muda jogu nia lala’ok. Timor Leste sai konfiante liu tan no aumenta tan golu ida iha minutu 37 liu husi Alexandro Lemos.
Liutiha minutu rua, Luis Figo halo Timor avansadu ho 3-0. Timor Leste hetan vantajen iha primeira parte.
Kambodia muda sira nia aprosimasaun ba jogu iha segunda parte. Jogu sai di’ak liután no presaun kontinua atu aplika. Iha minutu 55, Sorm Borith halo eskoru 1-3 ho nia golu.
Substitutu Chheang Kimsong hafoin ne’e halo eskoru 2-3. Kambodia kontinua halo presaun. Iha oportunidade barak, maibé la marka tan golu. Kambodia lakon, Timor Leste hetan pontu tolu.
Timor Leste (4-3-3): Egidio Oliveira; Rui Abel, Aureo Costa, Ricardo Bianco, Emidio Braz; Palomito Ribeiro, Luis Berdila, Edencio Soares; Luis Figo, Vabio Canavaro, Alexandro Lemos.
Treinadór: Eduardo Pereira.
Kambodia (4-3-3): Mat Lany; Sonn Thavisiv, Em Chhumsideth, Tum Makara, Chhin Vennin; Bong Samuel, Lim Lucca Thong , Phoeuk Thatthai; Sreng Sokea, Eav Sovannara; Sorm Borith.
Treinadór: Phea Sopheaktra.
Editór Testu : Amito Qonusere Araújo
loading="lazy" />